Скаутуудын цугларалт Батсүмбэрт болж байна
“Сайн үйлсийн төлөө нэгдэцгээе, оролцоцгооё” уриан дор зохион байгуулагдаж буй Монголын Үндэсний V Жембори цугларалт Төв аймгийн Батсүмбэр суманд байрлах Монголын Скаутын холбооны зусланд энэ сарын 04-ний өдөр нээлтээ хийсэн юм. Энэ удаагийн цугларалтанд нийт 1000 гаруй скаутууд цугларсан бөгөөд Монгол орны 21 аймаг, нийслэл Улаанбаатар хотын 9 дүүрэг, мөн Англи, Тайвань, Сингапур, Дани, Малайз гэх таван орны гадны скаутууд мөн оролцож байна.ы
Скаутууд зун, намар, өвөл, хавар гэсэн дөрвөн дэд зусланд хуваагдаж бие даан амьдрах ур чадварт суралцан, майханд амьдарч , хоолоо хээрийн нөхцөлд хийж, салааны зохион байгуулалтанд орж хүүхдийн хөгжлийн хөтөлбөрүүдэд хамрагдаж цагийг хөгжилтэй, зугаатай өнгөрүүлж байна. Энэхүү Жембори цугларалтыг Хүүхдийн төлөө үндэсний газар хамтран зохион байгуулж байгаа аж. 
П.Наран
СЭТГЭГДЭЛ БИЧИХ