Гаалийн ерөнхий газраас 2014 оныг “Мэдээлэл солилцоог идэвхжүүлж, хамтын хариуцлагыг дээшлүүлэх жил” болгон зарлажээ. Энэ хүрээнд нэг байгууллагад хоёроос дээш жил ажилласан ажилчдыг сэлгэн ажиллуулсан байна. Энэ хүрээндээ нэг гаалийн газар, хороонд хоёроос дээш жил ажилласан улсын байцаагч, ажиллагсдын 75 хувийг өөр газар сэлгэн ажиллуулжээ. Энэ зохион байгуулалтын үр дүнд импорт өнгөрсөн оны мөн үеэс 12.5 хувиар буурсан байхад гаалийн орлого 70.8 тэрбум төгрөг буюу 10.2 хувиар өсчээ. Гаалийн хяналт, бүрдүүлэлтийн үйл ажиллагааны шат дараалал цөөрсөн, мэдээлэл ил тод болсон, гаальчид хариуцлагатай болсон гэсэн  дүгнэлтийг Гаалийн ерөнхий газрынхан хийгээд байгаа аж.