Мэргэжлийн хяналтын ерөнхий газраас биологийн идэвхт бүтээгдэхүүн /сүлжээний бүтээгдэхүүн/-ий талаар сэрэмжлүүлэг гаргажээ. Уг сэрэмжлүүлэгт "биологийн идэвхт бүтээгдэхүүнийг өвчин эмгэгийг эмчлэх эдгэрүүлэх зорилгоор биш харин биед шаардлагатай байгаа зарим эрдэс бодисыг нөхөж өвчнөөс урьдчилан сэргийлэх, бие махбодийн үйл ажиллагааг дэмжих зорилгоор хэрэглэдэг. Олон нийтийн радио, телевизээр мөн иргэдийн дунд амнаас ам дамжин биологийн идэвхт бүтээгдэхүүн нь өвчнийг эмчлэн илааршуулж эдгэрүүлнэ хэмээн буруу зөрүү зар сурталчилгаа ихээр цацагдаж байна. Иймээс иргэд сурталчилгаанд хуурталгүй, тухайн бүтээгдэхүүнээ сайтар судалж, өөрт тань зайлшгүй шаардлагатай эсэхийг мэдсэний дараа хэрэглэж байхыг сэрэмжлүүлье" хэмээн дурджээ.

ө

Одоогоор мэргэжлийн хяналтын байгууллагад энэ төрлийн бүтээгдэхүүнээс хордсон гэх мэдээлэл ирээгүй байгаа ч зар сурталчилгаа болон импортлогчдын үгэнд хууртан, иргэд хохирох тохиолдол гарч болзошгүйг анхааруулсан байна.

ө

В.Бат