Шадар сайд Д.Тэрбишдагва  БНХАУ-ын Худалдааны яамны Азийн газрын дэд захирал, Засгийн газрын хоорондын комиссын  ажлын хэсгийн Хятадын талын дарга Сун Яомин тэргүүтэй төлөөлөгчдийг хүлээн авч уулзжээ. Уулзалтын эхэнд Монгол-Хятадын Засгийн газрын хоорондын комиссын Монголын хэсгийн дарга, Шадар сайд хоёр орны худалдаа, эдийн засгийн хамтын ажиллагааг өргөжүүлэн хөгжүүлэхэд  олон жил  хувь нэмрээ оруулсанд нь талархлаа илэрхийлсэн байна. Мөн хоёр улсын худалдаа, эдийн засгийн хамтын ажиллагааг хөгжүүлэх дунд хугацааны хөтөлбөр байгуулахад идэвхтэй ажиллаж, ирэх сард болох өндөр дээд түвшний айлчлалаар эцэслэн байгуулахаар тохиролцсонд талархаж, энэ баримт бичиг нь эдийн засгийн харилцааг өргөжүүлэхэд чухал үүрэгтэй гэдгийн онцолсон байна.  Харин Хятадын талын дарга Сун Яомин  уул уурхай, дэд бүтцийн салбарт нэр төртэй компаниудаа оруулж томоохон төсөлд хамтарч оролцоход дэмжлэг үзүүлэхийн зэрэгцээ, Таван толгой, Оюу толгой төсөлд оролцох сонирхолтой байгаагаа илэрхийлжээ.

ө