Бүгд Найрамдах Итали улсын Феррара хотод  ардын урлагийн олон улсын “Ferrara Buskers” хөгжмийн наадам нь жил бүр зохион байгуулагддаг. 1988 оноос хойш зохиогдож буй уг наадмын 27 дахь удаагийн арга хэмжээ энэ сарын 21-31-ний өдрүүдэд болно. Уг наадамд ардын урлагийн чиглэлээр уран бүтээл туурвидаг  Хулан, Хөх Монгол, Седаа, ТрансМонголиа зэрэг хамтлаг, дуучид хүндэт зочноор уригдан оролцох юм байна.

ө

27 дахь удаагийн “Ferrara Buskers” олон улсын хөгжмийн наадмын хөтөлбөрийг танилцуулах хэвлэлийн бага хурлыг БНИУ-ын Соёл, аялал жуулчлалын яам, Феррара хотын захиргаа болон Монгол Улсын ЭСЯ хамтран 2014 оны 7 дугаар сарын 31-нд Ром хотод зохион байгуулжээ. Хурлын үеэр Монгол Улсаас БНИУ-д суугаа Онц бөгөөд Бүрэн эрхт Элчин сайд Ш.Одонбаатар энэхүү олон улсын томоохон баяр наадамд Монгол Улсын ардын урлагийн төлөөллийг хүндэт зочноор урьсанд зохион байгуулагчдад талархал илэрхийлээд тус арга хэмжээ нь хоёр орны соёлын харилцааг хөгжүүлэхэд тодорхой хувь нэмэр оруулна гэдэгт итгэлтэй байна гэжээ.

ө

В.Бат