Ерөнхий сайдын ахлах зөвлөх Л.Гансүх болон М.Тулга, Э.Төмөрбаатар, Г.Батхуяг нарыг өнгөрсөн сарын сүүлээр саатуулж, Төв аймаг дахь урьдчилан хорих төвд хориод байгаа билээ. Тэднийг Засгийн газраас хэрэгжүүлсэн "Нүүрс" хөтөлбөрийг хэрэгжүүлэхдээ мөнгө завшсан байж болзошгүй гэх хэргээр шалгаж байгаа юм. Л.Гансүхийг саатуулсны маргааш өмгөөлөгч Л.Цэндсүрэн нь түүнтэй уулзах гэж очсон ч шүүхийн шийдвэр гүйцэтгэхийнхэн тэднийг уулзуулаагүй. Харин дараа өдөр нь өмгөөлөгч Ц.Баасансүрэн үйлчлүүлэгчтэйгээ уулзсан гэдгээ сэтгүүлчдэд мэдээлэл өгөх үеэрээ хэлж байсан. Гэвч Эрүүгийн байцаан шийтгэх хууль болон өмгөөлөгчийн эрхийг зөрчсөн учраас холбогдох газруудад гомдол гаргаж, Төв аймгийн шүүхийн шийдвэр гүйцэтгэх байгууллагын удирдлагад хариуцлага тооцуулахаа мэдэгдээд байсан.

ө

Өмгөөлөгч Ц.Баасандорж Л.Гансүхийн туслахаар ажиллаж байсан М.Тулгыг мөн өмгөөлж байгаа аж. Харин тэднийг уулзуулахгүй байгаа учраас өмгөөлөгч Ц.Баасансүрэн нийслэлийн Прокурорын газар, ШШГЕГ-ын удирдлагууд, Хүний эрхийн комисст хандан гомдол гаргасан байна.

а

В.Бат