НИТХ-ын Тэргүүлэгчдийн хурал энэ сарын 13-ны өдрийн 10.00 цагаас нийслэлийн Засаг даргын Тамгын газрын А танхимд эхэлнэ. Энэ өдрийн хуралдаанаар нийт 10 асуудлыг хэлэлцэх юм байна. Тухайлбал, нийтийн зорчигч тээврийн нэгдэл байгуулах, нийтийн тээврийн үйлчилгээнд цахим төлбөрийн систем нэвтрүүлэх эрх олгох, гэрээ байгуулах, хөрөнгө бүртгэж авах тухай зэрэг асуудлыг хэлэлцэх аж. Мөн орон нутгийн хөрөнгөөр 2014 онд хэрэгжүүлэх төсөл хөтөлбөрийн жагсаалтыг энэ хуралдаанаар батална.