Нийслэл хотноо ажиллаж амьдарч байгаа Ховдчуудын “Мөнгөн үдэш” шинэ жилийн цэнгүүн, шагнал гардуулах ёслолын ажиллагаа Мишээл экспо төвд боллоо.
Үйл ажиллагаанд Ховд нутгийн уугуул Улаанбаатар хотноо ажиллаж амьдарч байгаа залуус оролцсон юм. Өөрийгөө залуу хэмээн бодож, залуугаар сэтгэж, залуу эрч хүчтэйгээр ажилладаг хүн бүхнийг оролцуулах зорилго тавьсан цэнгүүнд 1000 орчим Ховдчууд хүрэлцэн ирж, нэгэн үдшийг хамтдаа өнгөрөөлөө.
2 дахь жилдээ зохион байгуулагдаж байгаа энэ үйл ажиллагааны өнгөрсөн жилийн арга хэмжээнд 400 орчим хүн оролцож байсан бол энэ жил 1000 хүн иржээ. “Мөнгөн үдэш” цэнгүүнийг Ховд аймгийн нутгийн зөвлөл, 1994 оны төгсөгчид, Ховд аймгийн оюутан залуусын хөгжлийн төв хамтран зохион байгуулсан юм.
Цэнгүүнд УИХ-ын дарга Д.Дэмбэрэл, Ховд аймгийн нутгийн зөвлөлийн дарга, УИХ-ын гишүүн С.Бямбацогт, Нийслэлийн Засаг
дарга бөгөөд Улаанбаатар
хотын Захирагч Г.Мөнхбаяр, Нийслэлийн Засаг даргын орлогч, МАН-ын нарийн бичгийн дарга Ц.Цогзолмаа, Ардын жүжигчин Б.Зангад, МУГЖ н.Болормаа нарын нутгийнхаа тэрийг өндөрт өргөж яваа хүмүүс оролцлоо.
“Мөнгөн үдэш” цэнгүүн, шагнал гардуулах үйл ажиллагааг нээж Ховд аймгийн нутгийн зөвлөлийн дарга, УИХ-ын гишүүн С.Бямбацогт, УИХ-ын дарга Д.Дэмбэрэл нар үг хэлсэн бөгөөд нэг дор Ховдоор овоглосон 1000 залуусаа цугларсанд баяртай байгаагаа илэрхийлж байсан юм.
Энэ үдэш салбар салбарын тэргүүний залуусыг шалгаруулан 9 алдартнаар тодрууллаа. Энэхүү 9 алдартнаар Б.Энхтөр, Л.Гансэлэм, Б.Ганбаатар, О.Бат-Эрдэнэ, Д.Оюунгэрэл, Б.Энхбат, С.Балжинням, М.Лхагвадорж, Б.Мөнхтөр нар шалгаран өргмжлөл, цом гардан авлаа. Цэнгүүнд мөн Ховд аймгийн 92 багаас ирсэн шилдэг залуусын төлөөлөл оролцсон юм. Тэдний дундаас мөн 17 сумын шилдэг тэргүүний залууг шалгаруулж шагнасан юм.
Энэ удаагийн “Мөнгөн үдэш” цэнгүүн зохион байгуулалт сайтай, олон хүнийг хамарсан нийслэл дэх Ховдчуудын томоохон цугларалт болж чадлаа. Цэнгүүнд ирсэн хүн бүр сэтгэл хангалуун байж, бүжиглэж, дуулж, цоглог нэгэн үдшийг өнгөрөөлөө.
Мөнгөн үдэш цэнгүүнд Харанга, Харш, Айзам, Motive зэрэг хамтлаг, ДБЭТ-ын гоцлол дуучин Ө.Уянга,
Voice group - ийн дуучин Д.Отгонжаргал нар ирж ая дуугаа өргөжээ.
Нийслэл хотноо ажиллаж амьдарч байгаа Ховдчуудын “Мөнгөн үдэш” шинэ жилийн цэнгүүн, шагнал гардуулах ёслолын ажиллагаа Мишээл экспо төвд боллоо.
Үйл ажиллагаанд Ховд нутгийн уугуул Улаанбаатар хотноо ажиллаж амьдарч байгаа залуус оролцсон юм. Өөрийгөө залуу хэмээн бодож, залуугаар сэтгэж, залуу эрч хүчтэйгээр ажилладаг хүн бүхнийг оролцуулах зорилго тавьсан цэнгүүнд 1000 орчим Ховдчууд хүрэлцэн ирж, нэгэн үдшийг хамтдаа өнгөрөөлөө.
2 дахь жилдээ зохион байгуулагдаж байгаа энэ үйл ажиллагааны өнгөрсөн жилийн арга хэмжээнд 400 орчим хүн оролцож байсан бол энэ жил 1000 хүн иржээ. “Мөнгөн үдэш” цэнгүүнийг Ховд аймгийн нутгийн зөвлөл, 1994 оны төгсөгчид, Ховд аймгийн оюутан залуусын хөгжлийн төв хамтран зохион байгуулсан юм.
Цэнгүүнд УИХ-ын дарга Д.Дэмбэрэл, Ховд аймгийн нутгийн зөвлөлийн дарга, УИХ-ын гишүүн С.Бямбацогт, Нийслэлийн Засаг дарга бөгөөд Улаанбаатар хотын Захирагч Г.Мөнхбаяр, Нийслэлийн Засаг даргын орлогч, МАН-ын нарийн бичгийн дарга Ц.Цогзолмаа, Ардын жүжигчин Б.Зангад, МУГЖ н.Болормаа нарын нутгийнхаа тэрийг өндөрт өргөж яваа хүмүүс оролцлоо.
“Мөнгөн үдэш” цэнгүүн, шагнал гардуулах үйл ажиллагааг нээж Ховд аймгийн нутгийн зөвлөлийн дарга, УИХ-ын гишүүн С.Бямбацогт, УИХ-ын дарга Д.Дэмбэрэл нар үг хэлсэн бөгөөд нэг дор Ховдоор овоглосон 1000 залуусаа цугларсанд баяртай байгаагаа илэрхийлж байсан юм.
Энэ үдэш салбар салбарын тэргүүний залуусыг шалгаруулан 9 алдартнаар тодрууллаа. Энэхүү 9 алдартнаар Б.Энхтөр, Л.Гансэлэм, Б.Ганбаатар, О.Бат-Эрдэнэ, Д.Оюунгэрэл, Б.Энхбат, С.Балжинням, М.Лхагвадорж, Б.Мөнхтөр нар шалгаран өргмжлөл, цом гардан авлаа. Цэнгүүнд мөн Ховд аймгийн 92 багаас ирсэн шилдэг залуусын төлөөлөл оролцсон юм. Тэдний дундаас мөн 17 сумын шилдэг тэргүүний залууг шалгаруулж шагнасан юм.
Энэ удаагийн “Мөнгөн үдэш” цэнгүүн зохион байгуулалт сайтай, олон хүнийг хамарсан нийслэл дэх Ховдчуудын томоохон цугларалт болж чадлаа. Цэнгүүнд ирсэн хүн бүр сэтгэл хангалуун байж, бүжиглэж, дуулж, цоглог нэгэн үдшийг өнгөрөөлөө.
Мөнгөн үдэш цэнгүүнд Харанга, Харш, Айзам, Motive зэрэг хамтлаг, ДБЭТ-ын гоцлол дуучин Ө.Уянга, Voice group - ийн дуучин Д.Отгонжаргал нар ирж ая дуугаа өргөжээ.
СЭТГЭГДЭЛ БИЧИХ