• 2014-08-12

Н.Гончиг: ЭХ-ний дэд сайд Д.Доржпүрэв аймгийн Засаг даргыг удирдаж байна

img

Төв аймгийн Баян-Өнжүүл сумын ИТХ-ын төлөөлөгчид удаа дараа хууль зөрчсөн сумын Засаг дарга Б.Ариунболдыг АТГ-т шалгуулахаар өгсөн байна. Уг гомдлыг АТГ-аас шалгаж үзээд тус сумын Засаг даргад хуулийн дагуу зохих арга хэмжээг авахыг Төв аймгийн Засаг дарга Д.Баярбатад үүрэг болгожээ. Гэтэл аймгийн Засаг дарга энэ асуудлыг шийдвэрлэх дорвитой шийдвэр гаргахгүй удааж буй нь тус сумын ИТХ-ын тэргүүлэгчдийн бухимдлыг төрүүлж аж. Энэ тухай Төв аймгийн Баян-Өнжүүл сумын ИТХ-ын төлөөлөгч Н.Гончиг өнөөдөр хэвлэлийнхэнд мэдээллээ. Хурлын үеэр түүнээс зарим зүйлийг тодруулав.

а

-Баян-Өнжүүл сумын Засаг дарга Б.Ариунболдыг ажлаас нь чөлөөлүүлэх гээд байгаа шалтгаан?

-Засаг дарга Б.Ариунболд чиг үүргээсээ гажуудсан хууль бус үйлдлийг удаа дараа гаргасан болохоор сумын иргэдийн төлөөлөл болсон бид түүнийг огцруулсан. Гэтэл уг шийдвэрийг аймгийн Засаг дарга хүлээн авахаас татгалзсан. Бид АТГ-аас шалгаж, хууль бус үйлдлийг нь тогтоосон албан бичгийг хүлээн аваад дахин ИТХ хуралдаж, дахин огцруулах тухай бичгийг аймгийн Засаг даргад хүргүүлсэн. Тэгсэн аймгийн Засаг дарга Б.Ариунболдыг дуудаж аваачаад, амралтыг нь өгөөд явуулчихсан. Одоо Баян-Өнжүүл сумын Засаг захиргаа эзгүйрээд байна. Засаг даргын орлогч нь эрүүл мэндийн шалтгаанаар чөлөөтэй байгаа юм.

а

-Аймгийн Засаг дарга ямар шалтгаанаар та нарын шийдвэрийг хүлээн авахгүй байгаа юм бол?

-Үүний гол шалтгаан нь хуулиар тогтоосон эрх мэдэлтэй нэгэн аймгийн Засаг даргыг аймгийн намын дарга удирдаж байгаад байгаа юм. Төв аймгийн Ардчилсан намын дарга, Эрчим хүчний дэд сайд Д.Доржпүрэв аймгийн намын хорооны нийт гишүүдийн өмнө аймгийн Засаг дарга Д.Баярбатад, Баян-Өнжүүл сумын Засаг дарга Б.Ариунболдыг огцруулах хүсэлтийг хүлээн авч болохгүй гэж хэлсэн. Би өөрөө аймгийн Ардчилсан намын хорооны гишүүн хүн. Аймгийн намын даргаар дарамтлуулсан Засаг дарга сумын 2000 гаруй иргэдийн төлөөлөл болсон ИТХ-ын төлөөлөгчдийн шийдвэрийг хүлээн зөвшөөрөхгүй байна.

а

-АТГ-т хандаж сумын Засаг даргаа шалгуулсан гэлээ.

-Тийм. АТГ-аас хууль зөрчсөн үйлдлүүдийг нь тогтоосон. Жишээлбэл, сумын Засаг дарга Б.Ариунболдын 2013, 2014 оны эхний таван сарын санхүүгийн үйл ажиллагааг шалгахад Төсвийн тухай хуулийн 16.5.5 дахь заалт, Төрийн болон орон нутгийн өмчийн тухай хуулийн 30.3 дахь хэсэг, Төрийн хяналт шалгалтын тухай хуулийн 13.2 дахь хэсгийг тус тус зөрчсөн нь тогтоогдсон. Мөн 2013 онд сумын 40 жилийн ойн арга хэмжээг тэмдэглэхтэй холбогдуулж “Мега майнез” ХХК-иас гурван сая төгрөг, “Эрдэнэжаст” ХХК-иас гурван сая төгрөг, ХААН банкнаас 300 мянган төгрөг буюу нийт зургаан сая 300 мянган төгрөгийн хандивыг Орон нутгийн хөгжлийн сангийн дансаар хүлээн авч зарцуулсан. Энэ нь Засгийн газрын 2012 оны 109 дүгээр тогтоолын 1-т заасныг, Төсвийн байгууллагын тухай хуулийн 25.2.2, Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийн 17.1, 17.3 дахь хэсгийг тус тус зөрчсөн гэдгийг нь мөн АТГ-аас тогтоосон.

а

а

Б.Буд

СЭТГЭГДЭЛ БИЧИХ

%%%%???:
зайлуул энэ залууг анх засаг дарга болонгуут л огцоруулна гээд л байсан одоо болтол үзсээр л байна уу энэ гончиг
2014-08-14
%%%%???:
зайлуул энэ залууг анх засаг дарга болонгуут л огцоруулна гээд л байсан одоо болтол үзсээр л байна уу энэ гончиг
2014-08-14
zochin :
н.гончиг гуай хариуцлагатай байна. илэрхий хууль зөрчсөнийг нь төрийн эрх бүхий байгууллагаас нь тогтоочихсон байна. үүнээс гадна орон нутгийн иргэд нь юуг, хэрхэн, яаж хууль бусаар хийснийг нь мэдэж байгаа нь ёс суртахууны хувьд, хувь хүний хувьд хариуцлага хүлээх эр зориг, ухаан гаргах хангалттай үндэслэл юм. сумын засаг даргаасаа эхлээд ард түмнээсээ уучлал гуйгаад огцорчих хэрэгтэй байгаа юм. тэгвэл энэ "а" ерөнхий сайд чинь саналаараа огцрох ч юм билүү. бүгдийг битгий хүчээр шийдэх гэж дайраад бай л даа. мэдлэг, чадваргүй мөртлөө сонгууль гэж далдаганаж байгаад азаар нэг засаг ноёны суудалд тухалчихаад "хаан ширээ" залгамжилчихсан юм шиг аашлах нь өөрийн чинь хийгээд үр хүүхдийн чинь ирээдүй хойчид таатай биш байхаа. хэрвээ энэ хүн өөрийнхөө саналаар, гэм буруугаа ухаараад, хажууд нь түшиж тулдаг нөхөд нь ч гэсэн зөвлөөд огцорчихвол зүй ёсонд(шударга), баян-өнжүүлийнхний үнэт зүйлст их нэмэртэй байх. болдоггүйн бол тэгээд, атг, цагдаа, шүүх гээд гэсгээдэг, нүглийг цээрлүүлдэг газар олон байна ш дээ. нэг булхайг хаацайлж болно, хоёрыг нууж болох юм гэж бодоход гурвыг яах ч аргагүй шүү дээ. н.энхбаяр ахаас сураагүй л юм байхдаа.
2014-08-13
зочин:
өөрийгөө хэн гэж бодоод байгаа юм бол сумынхаа ман-хантай нийлж намаасаа гарсан даргыг огцруулах гэж энэ үү, алдаагүй хүн гэж байхгүй,сумдын засаг дарга нарыг дөнгөж шинээр томилогдонгуут нь төсвийн болоод тэр ашиг сонирхлын гээд байгаа хуулиар нь сургалт явуулбал таарна, ард түмнээс сонгогдсон янз бүрийн мэргэжилтэй хүмүүс засаг дарга хийхэд заавал алддаг шүү!!!!!!!!!!!! алдсан дээр нь түлхэхдээ сайндаа манайхан,
2014-08-12
kkkkkk:
hurtsaa iim yu hiigeed hereggyi ee, zogsoo, esvuguus buh hiisen hergee hylee dee gej szuvlue
2014-08-12
элбэгдорж:
малчин болохоор хүн биш юмуу.орон нутагт нь болж бүтэхгүй байгаа зүйлийг л ил гаргаж байна.сумын иргэдийн хуралд ард түмнийхээ итгэлийг дааж төлөөлөгчөөр сонгогдсон учраас ингэж байгаан.
2014-08-12
zochin:
malchid hurtel ulsturjdug tsag bolj
2014-08-12
89231597, 89241597 dugaar zarna utas:94038858:
89231597, 89241597 dugaar zarna utas:94038858
2014-08-12
зочин:
энэ хүн одоо яах гээд л ингээд яваад байгаа юм бол малаа маллаад явахгүй, юмны учир зүйг зөв олохгүй, бас нэг хүний шахалтаар уу, ашиг сонирхол гээд байгаа хууль чинь хаана ч зөрчигдөж байгаа шүү дээ, аймгийн дарга нь арга хэмжээ авсан байлгүй дээ, тэгээд ч аймгийн зд өөрийн гэсэн толгойгүй хүнүү намын даргаараа удирдуулаад, хачин юм ярих юм,
2014-08-12