Сэлэнгэ аймгийн Жавхлант сумын нутагт өчигдөр “Toyota Naidi” автомашин онхолдож, ослын улмаас тус сумын харьяат 49 настай эрэгтэй Н, 39 настай эмэгтэй Э, 38 настай эмэгтэй М нар нас барсан байна. Уг хэргийг Сэлэнгэ аймгийн цагдаагийн газар шалгаж байна.

ө

Мөн Хөвсгөл аймгийн Улаан-Уул сумын гуравдугаар багийн нутаг Мунгарагийн Багтагийн голд тус сумын харьяат эрэгтэй 10 настай А унаж, амь насаа алджээ. Уг хэргийг Хөвсгөл аймгийн цагдаагийн газар шалгаж байна гэж ЦЕГ-ын ХМТ-өөс мэдээлэв.

а

Түүнчлэн БГД-ийн 20 дугаар хороо “Хар хорин захын урд тогтсон усанд хүн нас барсан байна” гэсэн мэдээллийг харьяа дүүргийн цагдаагийн хэлтэс өчигдөр өглөөний 09:50 цагт авч шалгасан байна. Оршин суух хаяг тодорхойгүй тод ногоон өнгийн, богино синтефон куртка, хар өнгийн бэлтгэлийн өмд, хар өнгийн хагас түрийтэй гуталтай 30-35 орчим насны эрэгтэй ил харагдах гэмтэл, шархгүй нас барсан байжээ. Хэргийг Баянгол дүүргийн Цагдаагийн II  хэлтэст шалгаж байна.

а

Б.Буд