ШШГЕГ-ын харьяа Төв аймаг дахь Хорих ангид хоригдож буй, Ерөнхий сайдын зөвлөх Л.Гансүхийн өмгөөлөгч Ц.Баасандорж болон Л.Гансүхийн хэрэгтэй холбоотойгоор хоригдож буй Хүнсний аюулгүй байдлын зөвлөлийн нарийн бичгийн дарга н.Төмөрбаатарын өмгөөлөгч А.Зүмбэрэл нар сэтгүүлчдэд хандан мэдээлэл хийлээ.

а

Өмгөөлөгч Ц.Баасандорж “АТГ өмгөөлөгч нарыг үйлчлүүлэгчидтэй нь уулзуулахгүй хууль зөрчиж байна. Манай үйлчлүүлэгчийг н.Цэндсүрэн өмгөөлөгчтэй нэг удаа, надтай хоёр удаа уулзуулахгүй байх тохиолдол гарсан. Энэ нь хүний эрхийг зөрчиж байна. Мөн үүнээс гадна өмгөөлөгчийн нэр зааж, үйлчлүүлэгчтэй нь уулзуулж байгаа зэрэг АТГ-ын хууль зөрчсөн үйлдэл хэтэрч байна” гэж ярилаа.

а

Түүний зүгээс удаа дараа гарч буй энэхүү үйлдлүүдийг шалгуулахаар АТГ, нийслэлийн Прокурорын газар, ШШГЕГ-ын дарга, ХЭҮК зэрэг байгууллагад гомдол гаргажээ. Үүнд ХЭҮК-оос “АТГ-ын дээрх үйлдэл нь хууль дүрэм болон хүний эрхийг зөрчсөн байна” гэх хариуг ирүүлсэн гэж мэдээллээ. Өмгөөлөгч Ц.Баасандорж “Прокурорын дэргэдэх мөрдөн байхгүй болсноор АТГ-ыг хянадаг, шалгадаг байхгүй болсон. Иймээс тэд дураараа авирлаж, өмгөөлөгчийн үйл ажиллагааг хязгаарлаж, хүний эрхийг хангах хамгаалах үйл ажиллагааг байхгүй болгож байна. Энэ байгууллагыг шалгуулахаар Төрийн байгуулагад гомдол гаргаад шалгадаг газар ч алга. Шүүх, прокурор гээд бүгд айдаг болчихож” гэж ярьсан.

а

А.Зүмбэрэл: Миний үйлчлүүлэгчийг гүтгэж байна

р

Харин Хүнсний аюулгүй байдлын зөвлөлийн нарийн бичгийн дарга н.Төмөрбаатарын өмгөөлөгч өөрийнх нь үйлчлүүлэгчийн эрх зүйн байдлыг дордуулж хэрэгт татсан гэж мэдээлэв. Тэрбээр “АТГ-аас миний үйлчлүүлэгч Хүнсний аюулгүй байдлын зөвлөлийн нарийн бичгийн дарга н.Төмөрбаатарыг 2014 оны долоодугаар сарын 29-ний өдөр баривчилж мөн өдрөөс сэжигтнээр татан, яллагдагчаар хорьсон. Хэрэг мөрдөн байцаалтын шатад явж байгаа. Яллагдагчаар цагдан хорьсон шүүгчийн захирамжийг үндэслэн мэдээлэл хийж байна. АТГ-ын мөрдөн байцаагч болон нийслэлийн Прокурор, Шүүхээс хууль буруу хэрэглэж, миний үйлчлүүлэгчийн эрх зүйн байдлыг дордуулан онц хүнд гэмт хэрэгт яллагдагчаар татсан байгаа. Прокурор өөрийн саналаа онц хүнд гэмт хэрэгт холбогдсон гээд гаргачихсан, Шүүх холбогджээ заачихсан. Миний үйлчлүүлэгчийн Эрүүгийн хуулийн 166.1 зүйл буюу мөнгө угаасан хэрэгт онц хүнд зүйл ангиар нь зүйлчилж, үндэслэлгүйгээр гүтгэж байна” гэж ярьсан.

а

Мөн яллагдагчийг шүүхэд шилжүүлэхийн тулд нотлох баримт хангалттай бүрдсэн байх ёстой. Гэтэл н.Төмөрбаатарыг хувийн байдлыг хангалттай тодруулаагүй байж эхнэр, хүүхэд нэмээд биччихсэн байгаа юм. Түүнчлэн “MGLSB” ХХК-ийн менежер ажилтай. Уг ажлаа эрхэлж байхдаа нэр бүхий хүмүүстэй үгсэн тохиролцож, төсвийн мөнгийг угаасан үндэслэлээр мөнгө угаах гэмт хэрэгтэй зүйлчилж байгаа гэж тэмдэглэсэн. Харин миний үйлчлүүлэгч уг компанид ажилладаггүй, нийгмийн даатгалын шимтгэл төлсөн баримт, байгуулсан хөдөлмөрийн гэрээ байхгүй. Миний үйлчлүүлэгийг онц хүнд гэмт холбогдуулж яллагдагчаар цагдан хориулсан Шүүгчийн захирамжид гомдол гаргахад тухайн шүүхийн Ерөнхий шүүгч нь “энэ бол техникийн алдаа, хүнд гэмт  хэргийг онц хүнд гэмт хэрэг гэж ойлгохүй, үүнийг хүнд гэж ойлгоорой” гэдэг хариултыг өгсөн” гэлээ.

а

Шүүхээс гаргасан дээр үйлдэл болон түүний үйлчлүүлэгч н.Төмөрбаатарыг “гэмт хэргийн бодит байдлыг тодруулахад саад учруулж магадгүй” гэсэн зорилгоор цагдан хорьсонд гомдолтой байгаагаа илэрхийлсэн.

а

Б.Буд