Эбола вирус Гвиней, Нигер, Сьерро-Леон, Либери гэх орнуудад вирус илрээд байгаа. Уг вирусын халдвар, тархалтын талаар өнөөдөр ХӨСҮТ-өөс сэтгүүлчдэд мэдээлэл өглөө.

х

Уг вирус нь өвчилсөн хүний  гэмтсэн арьс салст, цус, шээс, бөөлжис, үрийн шингэн өтгөн болон тэдгээрээр бохирлогдсон орчны эд зүйлстэй шууд харьцах замаар болон нас барсан өвчтөнийг оршуулахаар бие махбодьтой хүрэлцэх үед халдвар дамждаг болох нь тогтоогджээ. Вирус нь шууд болон шууд бус, ахуйн хавьталын замаар дамждаг. Өвчний шинж тэмдэг нь халдвар авсан цагаас нууц байдалд хоёроос 21 хоног үргэлжилдэг. Гэнэт өндөр халуурч эхлэх ба бие сульдах, булчин өвдөх, толгой өвдөх, хоолой эмзэглэлтэй болж өвдөхөөс гадна бөөлжих, суулгах, цусархаг тууралт биеэр гарах, цус алдах шинж тэмдэг илэрдэг аж. Энэ вирусээр өвчилсөн хүмүүсийн 50- 90 хүртэлх хувь нь нас барах магадлалтай ба 1975 тохиолдол илэрснээс 1068 тохиолдол нь нас барсан байна.

х

Мөн “манай улсын энхийг сахиулагчид халдвар гарсан орнуудад байхгүй. Түүнчлэн халдвар гарсан орноос ирж байгаа хүмүүсийг ариутгал шинжилгээнд хамруулах болон бусад орон руу явж байгаа хүмүүст энэ өвчний талаар зөвлөгөө мэдээллийг өгч байгаа” гэж мэдээллээ. Харин одоогоор Энэтхэг улс хилээ хаасан тухай мэдээлэл ирсэн гэнэ. Манай зүгээс ч мөн Эбола вирусын халдвар авсан улс орон руу ажлын болон хувийн шугамаар аль болох явахгүй байхыг иргэд, олон нийтэд анхааруулав.

р

Б.Буд