Шүүхийн шийдвэр гүйцэтгэх ерөнхий газрын Нийгэм сэтгэл зүйн хэлтсээс явуулсан судалгаагаар хорих ял эдэлж буй хүмүүжигчдийн 48 хувь нь согтуугаар гэмт хэрэг үйлдсэн нь тогтоогджээ.Уг судалгаанд үндэслэн тус хэлтэс МУБИС-ийн Нийгмийн ажилтны тэнхим, ШУТИС-ийн сэтгэл судлалын багш нар,  “Монгол Хөүм” сэтгэл зүйн төв, Сэтгэцийн эрүүл мэндийн үндэсний төвийн эмч нартай хамтран хөтөлбөр боловсруулжээ. Зургаан дэд хэсэгтэй хөтөлбөрийг төвлөрсөн хорих ангиудын хэмжээнд хоригдогчийн бүлэг үүсгэж хэрэгжүүлж байгаа бөгөөд хорих ангиудын сэтгэлзүйчдэд нэгдсэн сургалтыг зохион байгуулжээ. Мөн хорих анги, шийдвэр гүйцэтгэх албаны сэтгэл зүйчийн мэргэжлийн үйл ажиллагааг хэрэгжүүлэх буюу сэтгэл зүйн зөвлөгөө, заслын үйлчилгээ үзүүлэх өрөөний стандартыг баталж, уг стандартын дагуу төвлөрсөн хорих ангиудад сэтгэлзүйн зөвлөгөөний өрөөг шинээр засаж, тохижуулжээ.