Мадонна  зүгээр сууж чаддаггүй нэгэн. Тэрээр үргэлж нэгийг сэдэж хийж явдаг эмэгтэй. Мадонна хөгжмийн ертөнцөд гавъяа байгуулж түүний сая сая альбом дэлхийн зах зээл дээр төвөггүй зарагддаг. Тэрээр бас хүүхдэд зориулж ном бичиж өөрийн нэрийн вино үйлдвэрлэж, бялдаржуулах урлагаар хичээллэн биеийн галбираа алдалгүй бусдад жишээ болон яваа нэгэн. Попын  хатан хаан бусдыг өөр шигээ галбир сайтай биетэй байлгах тал дээр анхаарч дэлхийд өөрийн нэрийн сүлжээний фитнесс төв нээхээр шийджээ.  Тэрээр Мехико хотод фитнесс төв нээсэн байна. Түүний клубын нээлтийн ажиллагаанд олон хүн хүрэлцэн ирцгээжээ.