“Монос” эмийн сангийн Гурван гал эмнэлэгт байрлах салбарын жор баригч хариуцлага алдаж, фенобарбитал эмийн насанд хүрэгчдийн тунг хүүхдэд андуурч өгснийг хэрэглэсэн 16 нярай, хүүхэд ЭХЭМҮТ-д эмчлүүлж байгаа. Үүнтэй холбоотойгоор ШӨХТГ-аас “Монос Улаанбаатар” ХХК-ийн харьяа нийслэлд үйл ажиллагаа явуулж буй 23 эмийн санд хуулийн дагуу шалгалт хийжээ.

о

Шалгалтын талаарх мэдээллийг өнөөдөр ШӨТХГ-ын Хэрэглэгчийн эрхийг хамгаалах хэлтсийн дарга Ч.Батбаатар сэтгүүлчдэд өглөө. Хэрэглэгчдийн найдвартай хэмээн сонгон үйлчлүүлдэг “Монос”-ын салбар эмийн сангуудаас нэлээн зөрчил, дутагдал илэрчээ. Өрсөлдөөний тухай хууль, Хэрэглэгчийн эрхийг хамгаалах тухай хууль, Хүнсний бүтээгдэхүүний аюулгүй байдлын тухай хууль, Эмийн санд тавигдах нийтлэг шаардлага болон бусад хууль тогтоомжийг зөрчиж үйл ажиллагаа явуулсан “Монос Улаанбаатар” ХХК-д Өрсөлдөөний тухай хуулийн дагуу захиргааны шийтгэл ногдуулах буюу 10 сая төгрөгөөр торгох арга хэмжээг авах юм байна. Мөн салбар эмийн сангуудаас нь ноцтой зөрчил гаргасан хоёр эмийн санг зөрчлөө арилгатал түр хугацаагаар хаах, тусгай зөвшөөрлийн нөхцөл, шаардлага зөрчсөн эмийн сангуудыг тусгай зөвшөөрлийг хүчингүй болгуулах саналыг Эрүүл мэндийн яаманд хүргүүлэх аж.оТүүнчлэн шалгалтын үеэр илэрсэн нийтлэг зөрчлүүдийг засч, стандартын шаардлага хангасан бүрэн бичилттэй эмийн жороор үйлчилдэг болгох, үйлчлүүлэгч нарт шаардлагатай эмийн талаарх мэдлэг мэдээлэл хүргэдэг болгох, эмийн үнэ тавилтыг мөрдөх, үнэ тавилгүйгээр хэрэглэгчдэд үнийн ялгавартайгаар үйлчлэхгүй байх сануулгыг өгчээ.

р

Шалгалтын үеэр эмийн сангууд стандартын шаардлага хангаагүй эмийн жороор үйлчлэх, эмийн сангуудад худалдаалагддаг ахуй хэрэглээний бүтээгдэхүүнүүд болон, хүнсний нэмэлт бүтээгдэхүүнүүдэд хаяг шошгожилтын нийтлэг зөрчил илэрсэн байна. Мөн “Монос-Баян Монгол”, “Монос-Саруул тэнгэр 2”, “Монос-Төмөр зам”, “Монос-Макс”, “Монос-Хархорин”, “Монос-Метромалл” эмийн сан болон ГССҮТ дэх Монос эмийн сан нь “Эрүүл мэндийн чиглэлээр мэргэжлийн үйл ажиллагаа эрхлэх тусгай зөвшөөрөл”-д заагдсан эрхлэгч үйл ажиллагаа явуулдаггүй байжээ.

р

о“Монос Улаанбаатар” ХХК-ийн Баянзүрх дүүргийн наймдугаар хороонд байрлах “Монос-Ботаник” эмийн сангийн үйл ажиллагаа явуулах тусгай зөвшөөрөл нь өөр аж ахуйн нэгжийн нэр дээр байсан бөгөөд тусгай зөвшөөрөлгүй үйл ажиллагаа явуулж байсан. Мөн Баянзүрх дүүргийн 26 дугаар хороонд байрлах “Монос-Баянмонгол” эмийн сангийн эрхлэгч Б.Батцэцэг нь “Эмийн санд тавигдах нийтлэг шаардлага” Монгол улсын стандарт MNS 5260: 2011–т заасан мэргэжлээрээ 3-аас доошгүй жил ажилласан мэргэшсэн эм зүйч эмийн сангийн эрхлэгч байна гэсэн шаардлагыг хангаагүй, Нийтийн үйлчилгээний 1 дүгээр зэрэглэлийн тусгай зөвшөөрөл авсан боловч дээрх стандартад заасан шаардлагыг хангасан үйл ажиллагаа явуулахгүй байгааг тогтоожээ. Эдгээр зөрчил илэрсэн дээрх хоёр эмийн сангийн үйл ажиллагааг өнөөдрөөс эхлэн түр хугацаанд түдгэлзүүлнэ гэж мэдээлэв.

Мөн эмийн сангуудад шалгалт хийхэд шаардлага хангаагүй, хаяг шошгожилтын зөрчилтэй хүнсний нэмэлт бүтээгдэхүүнүүд худалдан борлуулах, байвал зохих боловсон хүчний тоо хангалтгүй, эм найруулж байсан бөгөөд найруулсан эмийн шошго нь дээр хадгалах хугацааг орхигдуулсан зэрэг зөрчил илэрсэн байна.

р

Б.Буд