Энэ жил улсын хэмжээнд 50 сая мал өвөлжиж, хаваржих тооцоог Үйлдвэр хөдөө аж ахуйн яамны Мал аж ахуйн бодлогын хэрэгжилтийг зохицуулах газраас гаргажээ. 50 сая малын өвөл, хаврын идэш тэжээлд 1.2 сая тонн өвс, 60 мянган тонн үйлдвэрийн болон бусад тэжээл шаардлагатай аж.

а

Засгийн газрын 241 дүгээр тогтоолын хавсралтаар аймаг, сумын Засаг дарга нарт гамшгийн үед бэлэн байх өвс, тэжээлийн нөөцийн тоо, хэмжээг зааж өгсөн. Энэ дагуу бүх аймаг сумын хэмжээнд нийт 60 мянган тонн өвс, 9000 тн тэжээл бэлтгэх ёстой юм байна. Одоогоор өвөлжилтийн бэлтгэл ажлын хангах Үйлдвэр, хөдөө аж ахуйн сайдын албан даалгаврыг аймаг, орон нутгийн Засаг дарга нар, мэргэжлийн агентлаг, газруудад хүргүүлээд байгаа аж.