Нийслэлийн Мэргэжлийн хяналтын газраас Монголын Хөрөнгийн бирж ТӨХК-ийн 2011-2013 оны санхүү, аж ахуйн үйл ажиллагаанд шалгалт хийжээ. Шалгалтын дүнг өнөөдөр нийслэлийн Мэргэжлийн хяналтын газрын даргын зөвлөлийн хурлаар танилцууллаа.

х

Шалгалтаар МХБ-ийн тухайн үеийн удирдлагууд эрх хэмжээгээ хэтрүүлсэн гэж үзэн, 112.6 сая төгрөгийн акт тавьсан байна. Нийслэлийн Мэргэжлийн хяналтын газрын Санхүүгийн хяналтын санхүүгийн улсын байцаагч Г.Янжинсүрэн “Тус байгууллга нь ажилчиддаа урамшуулал олгохдоо тус компанид гурван сар ажилласан бол цалингийн 50 хувь, зургаан сар ажилласан бол 100 хувь, удирдах албан тушаалтнууд нь хоёр сарын болон түүнээс дээш хэмжээнд урамшуулал авдаг байсан байна. Энэ нь тэтгэмж урамшуулал, шагналыг шийдвэр зөрчин олгосон гэж үзэн 62.7 сая төгрөгийг холбогдох хүмүүсээр нөхөн төлүүлэх нь зүйтэй гэж үзсэн” гэж ярьсан.

х

Мөн МХБ-ийн орлогч захирлууд шатахуун зарцуулалт болон утасны ярианы төлбөрөө хэтрүүлэн хэрэглэсэн, олон улсын хэрэглээний картыг зориулалтын бусаар ашигласан зэрэг зөрчил илэрсэн байна.

х

Б.Буд