Сум дундын 17 дугаар шүүхээс 2014 оны 08-р сарын 07-ны бусдын амь насыг онц хэрцгийгээр хөнөөсөн этгээдэд холбогдох хэргийг хэлэлцэн, шийдвэрлэжээ. Бусдын амь насыг санаатайгаар хохироосон Ө.В-ийг гэмт хэрэг хийсэн гэм буруутайд тооцон 18  жилийн хугацаагаар хорих ялыг чанга дэглэмтэй хорих ангид эдлүүлэхээр шийдвэрлэсэн байна.

р

Өвөрхангай аймгийн Прокурорын газраас тус аймгийн харъяат Ө.В нь тус аймгийн Гучин –Ус сумын нутаг “Дэртийн товгор” гэх газар 2013 оны  10-р сарын 13-ны өдөр архидан согтуурсан үедээ иргэн Р.Ө-г зодож 3-13 дугаар хавирга, өвчүүний хугарал, элэгний язрал болон биеийн хэсэгт олон тооны шарх гэмтэл учруулж онц харгис хэрцгий аргаар  амь насыг нь санаатай хохироосон гэмт хэрэгт  Эрүүгийн хуулийн 91-р зүйлийн 91.12 дахь хэсэгт зааснаар яллах дүгнэлт үйлдэж шүүхэд шилжүүлсэн аж.

р

Б.Буд