Эдийн засгийг эрчимжүүлэх  "ЭЗЭН-100" хөтөлбөрийн хүрээнд хэрэгжүүлж буй ажлын 15 нь Уул уурхайн яаманд харьяалагдаж буй аж. Тэгвэл уг ажлуудын биелэлт 90 гаруй хувьтай байгаа хэмээн Уул уурхайн яамныхан мэдээлэв.

ө

Тухайлбал, гол нэрийн бүтээгдэхүүний үнийг тогтворжуулах дунд хугацааны хөтөлбөрийн хүрээнд шатахууны жижиглэнгийн худалдааны үнэ 10 төгрөгөөр буурч, шатахууны биет нөөцийг 60 хоног болгон нэмэгдүүлснээр компаниудын газрын тосны бүтээгдэхүүний нөөц дэд хөтөлбөр эхэлсэн үетэй харьцуулахад 3.1дахин нэмэгдэж, богино хугацааны шатахууны хомсдолд орох эрсдэл буурчээ. Мөн  алтны салбарыг ил тод нээлттэй болгох, олборлолтыг нэмэгдүүлэх, эдийн засгийн өгөөжийг нэмэгдүүлэх, валютын орлогыг өсгөх зорилгоор алт олборлогчид Голомт, Худалдаа, хөгжлийн банкнаас хөнгөлөлттэй зээлийн үйлчилгээг авах бөгөөд нийт 200 тэрбум төгрөгийн хөнгөлөлттэй зээл олгохоор болжээ. Монгол банкинд алт тушаасан тохиолдолд нөөц ашигдасны төлбөрийг 2.5% болгосон хууль батлагдсан болон хөнгөлттэй зээл олгох болсон зэрэг арга хэмжээ авсаны үр дүнд энэ оны 6 дугаар сарын байдлаар Монголбанкинд 3.8 тн алт тушаагдсан ба энэ нь өмнөх оны мөн үетэй харьцуулахад 61 хувиар өссөн үзүүлэлт аж.