Халхын голын дайны түүхт ялалтын 75 жилийн ойн хүрээнд Монголын Батлан хамгаалах яам, Зэвсэгт хүчний удирдлагууд Зайсан толгой дахь Зөвлөлтийн дайчдын хөшөө цогцолбор, маршал Г.К.Жуков, Монгол Улсын баатар Л.Дандар нарын хөшөөнд цэцэг өргөж, хүндэтгэл үзүүлжээ. Цэцэг өргөх хүндэтгэлийн ажиллагаанд  Батлан хамгаалахын сайд Д.Бат-Эрдэнэ, дэд сайд А.Баттөр, ЗХЖШ-ын дарга, дэслэгч генерал Ц.Бямбажав тэргүүтэй Монголын төлөөлөгчид, Оросын Холбооны Улсын Элчин сайдын яамны элчин зөвлөх Игорь Николаевич Аржаев тэргүүтэй Оросын төлөөлөгч, хоёр орны ахмад дайчид оролцсон байна.