Москва комплекс компанийн Баянголын аманд барьж буй 8000 айлын орон сууцны хороолол, Буман-Өлзий хорооллыг дулаан, цахилгаан эрчим хүчинд холбогдох боломж бүрджээ. Монгол Улсын Засгийн газрын Шинэ бүтээн байгуулалт хөтөлбөрийн хүрээнд “Дэд бүтэц” төслөөр Баянголын орон сууцны хорооллын инженерийн шугам сүлжээ, барилга байгууламжийн гурван багц ажил дуусч, энэхүү боломжийг бий болгожээ. Баянголын аман дахь инженерийн шугам сүлжээ, барилга байгууламжийн гурван багц ажилд ирэх долоо хоногт улсын комисс ажиллаж, ашиглалтад өгөх юм байна.