Монгол Улсын Ерөнхийлөгч Ц.Элбэгдоржийн урилгаар манай улсад ажлын айлчлал хийсэн ОХУ-ын Ерөнхийлөгч В.Путины багт багтсан тус улсын зам тээврийн салбарынхан цөөнгүй хамтын ажиллагааны эхлэлийг тавилаа. Үүнээс хамгийн чухал нь УБТЗ-ыг шинэчлэлт байв. Монгол, Оросын хамтын ажиллагааны хамгийн том илрэл басхүү ач холбогдолтойд тооцогддог төмөр замын гол шугамыг цахилгаанжсан хос болгож, тээвэрлэх нэвтрүүлэх хүчин чадлыг нэмэгдүүлэхээр болов. Ингэснээр төмөр зам Эрдэнэтээс Завханы Арц суурийн боомт хүрнэ. Энэхүү шинэчлэл нь хоёр улсыг холбох төмөр замын шинэ гарц болох юм. Энэ салбарт яригдсан өөр нэг асуудал нь Монгол Улс баруун хилээрээ ОХУ-тай холбогдсон төмөр замын шинэ коридор байгуулах судалгаа, ТЭЗҮ-ийг Оросын талтай хамтран хийхээр болов. Бас БНСУ-ын Ражин боомтыг ОХУ-тай хамтран эзэмших тохиролцоонд хүрлээ. Ингэснээр манай улс анх удаа өөрийн гэсэн далайн боомттой болж байгаа юм.

ө

Айлчлалын үеэр шийдэгдсэн бас нэг чухал алхам бол транзит тээврийн асуудлаар ОХУ, Монгол Улс харилцан ойлголцолд хүрч, 2020 он гэхэд 20 сая хүртэлх тонн ачааг Монголын нутгаар дамжин өнгөрүүлэхээр боллоо.

ө

В.Бат