Үнэ төлбөрийн хүндрэлээс болж гемодиализийн аппаратад орж чадахгүй өвчтөнүүдийн болоод тэдний гэр бүл Эрүүл мэндийн яаманд ханджээ. Тэдэнтэй  Эрүүл мэндийн яамны Бодлогын хэрэгжилтийг зохицуулах газрын дарга Я.Буянжаргал уулзаж, тэднийг гемодиализийн эмчилгээнд үргэлжүүлэн оруулахаар болжээ. Ингэхдээ харьяаллын эмнэлэгт нь хуваарь гаргаж, тэпнийг эмчилгээнд хамруулах аж. Гемодиализийн аппаратад нэг удаа орж эмчлүүлэхэд 250.000-320.000 төгрөгийн төлбөр төлдөг байна.

а

Бөөрний архаг дутагдалтай өвчтөнд зориулагдсан гемодиализийн аппаратыг нэн шаардлагатай байгаа эмнэлгүүдэд одоогоор 30 ширхэгийг суурилуулж байна. Тухайлбал Улсын нэг болон хоёрдугаар төв эмнэлэгт тус бүр дөрвийг, Улсын гуравдугаар төв эмнэлэг, Өвөрхангай, Орхон, Дорнод аймгийн Бүсийн оношилгоо, эмчилгээний төв, Сүхбаатар, Дархан-Уул, Булган, Говь-Алтай, Хэнтий аймгийн Нэгдсэн эмнэлэг, Гэмтэл, согог судлалын үндэсний төвд тус бүр хоёрыг, Дорноговь аймаг, Багануур дүүргийн Нэгдсэн эмнэлэгт тус бүр нэгийг хуваарилжээ. Энэхүү аппаратууд удахгүй ашиглалтад оруулах гэнэ. Үүнээс гадна ирэх оны төсвийн саналд гемодиализийн аппарат худалдан авахад дөрвөн тэрбум төгрөгийн саналыг салбарын яамнаас хүргүүлээд байгаа аж.

б

В.Бат