Хэнтий аймгийн Батноров суманд улсын төсвийн хөрөнгө оруулалтаар барьсан 150 хүүхдийн дотуур байр ашиглалтад оржээ. Нийт 1.3 тэрбум төгрөгөөр "ӨВМТХ" ХХК-ийн барьсан гурван давхар шинэ дотуур байр нь дотроо халуун хүйтэн устай, бие засах өрөөтэй, шинэ тоног төхөөрөмж бүхий цайны газартай аж.

б

 Хуучин дотуур байр нь анх 40 хүүхдийн зориулалтаар баригдсан ч нөхцөл байдлаасаа шалтгаалан 90 хүүхэд суулгаж байж. Шинэ дотуур байр ашиглалтад орсноор Батноров сумын ерөнхий боловсролын сургуулийн 630 хүүхдийн 150 нь тохилог сууцанд амьдрах боломжтой болжээ.