Беларусийн нийслэл Минск хотод энэ сарын 22-23-ны өдрүүдэд Худалдаа, эдийн засаг, шинжлэх ухаан, техникийн хамтын ажиллагааны Монгол, Беларусийн Засгийн газар хоорондын комиссын II хуралдаан болно. Хуралдаанаар Бүгд Найрамдах Беларусь улсын Ерөнхий сайд М.В.Мясниковичийн 2013 оны 9 дүгээр сарын 3-5-ны өдрүүдэд Монгол Улсад хийсэн албан ёсны айлчлал, 2013 оны 8 дугаар сарын 21-ний өдөр Улаанбаатар хотноо болсон Худалдаа, эдийн засаг, шинжлэх ухаан, техникийн хамтын ажиллагааны Монгол, Беларусийн Засгийн газар хоорондын комиссын анхдугаар хуралдааны мөрөөр хэрэгжүүлсэн ажлын биелэлтийг хэлэлцэнэ. Хоёр талын хамтарсан үйлдвэр байгуулах тухай Беларусийн талаас тавьсан саналыг ажил хэрэг болгох, Беларусь улсын нутаг дэвсгэрээр дамжин өнгөрч буй монгол иргэдийн ачаа тээвэртэй холбоотой бэрхшээлийг арилгах, хоёр орны бизнесийн байгууллага, хувийн хэвшил хоорондын харилцааг өргөжүүлэх талаар ярилцаж, шийдвэр гаргах аж.

Засгийн газар хоорондын комиссын Монголын хэсгийг Барилга, хот байгуулалтын дэд сайд Г.Байгалмаа, Беларусийн хэсгийг Аж үйлдвэрийн дэд сайд А.С.Огородников нар тэргүүлнэ.