Ерөнхий сайдын  яам, агентлагийн удирдлагуудтай хийдэг “Хяналт, хариуцлага, хэрэгжилт” цахим хурал Төрийн ордны Нутгийн удирдлагын танхимд боллоо. Монгол Улсын Ерөнхий сайд Н.Алтанхуяг яам, агентлагийн удирдлагуудад хандан өнгөрсөн хугацаан Засгийн газрын хуралдаанаар хэлэлцэн шийдвэрлэсэн ажлын талаар танилцуулаад, ажлаа хариуцлагатай гүйцэтгэхийг сануулав.

6 

Сургууль, цэцэрлэг барих эсэхээ орон нутгийнхан мэднэ

6

Засгийн газрын хуралдаанаар ирэх оны төсвийн төслийг  хэлэлцжээ.  Ирэх оны төсвийн төслийг боловсруулахдаа яам, агентлагийн төсвийг хэмнэх зорилгоор эхний ээлжинд шаардлагагүй зардлыг танасан байна. Ирэх оны төсөвт аймаг орон нутгийн хөрөнгө оруулалтын хэмжээг нэмэгдүүлэхээр болжээ. Учир нь өмнөх жилүүдэд аймаг, сумдын соёлын төв, сургуулийн засвар зэргийг барих асуудлыг УИХ, Засгийн газрын хуралдаанаар хэлэлцдэг байсан. Энэ байдлыг халж, орон нутагт нь эрх мэдлийг олгож, хөрөнгө санхүүг нь нэмэгдүүлэхээр болсон байна. Аймгийн Засаг дарга нар сургууль, цэцэрлэг, соёлын  асуудлаа өөрсдөө шийднэ чадна гэдгээ Ерөнхий сайдад хэлжээ. Нөгөөтэйгүүр УИХ, Засгийн газраас орон нутгийнхан соёлын төв, сургууль цэцэрлэгээ нэхээд суудаг сөрөг тал бий болсныг Ерөнхий сайд онцолж байлаа. Тиймээс  ирэх оны төсвийн төслийг боловсруулахдаа орон нутагт хөрөнгө оруулалт, эрх мэдлийг ч нэмэгдүүлэхээр тусгажээ. Мөн хариуцлагыг нь нэмэгдүүлж байгаа аж.

5

Эмийг төвлөрсөн цэгээс худалдан авдаг болно

5

Эмийн худалдан авалтад ирэх онд 80 тэрбум төгрөг зарцуулахаар урьдчилсан тооцоо гарсан байна. Үүнийг Засгийн газрын хуралдаанаар хэлэлцээд өмнөх жилүүдэд олгож байсан 60 тэрбум төгрөгөөр нь баталжээ. Манайх чанарын шаардлага хангасан нь тодорхойгүй 30 гаруй газраас эм худалдан авдаг байна. Эмийн үнийн хувьд ч харьцангуй өндөр аж. Тиймээс эмийн худалдан авалтыг төвлөрсөн нэг газраас хийж байхаар болсон байна. Ингэснээр хуурамч, өндөр үнэтэй эм худалдах авахгүйгээс гадна цаг хугацаа хэмнэж байгаа аж.

5

Зарим сайд нарын багцаас танажээ

6

Зарим сайд нарын төсвийн багцад  байдаг шаардлагагүй жагсаалтыг холбогдох газарт нь шилжүүлэхээр болжээ. Жишээлбэл, БШУ-ы сайдын төсвийн багцад байдаг оюутны автобусаар зорчих хөнгөлөлт, Хуульзүйн сайдын төсвийн багц дахь нийслэлийн цагдаа нарын хөнгөлөлт, НХХАХ-ийн сайдын багц дахь ахмад настнуудын нийтийн тээвэрт зорчих хөнгөлөлтийн мөнгийг тус тус хассан байна. Дээрх хөнгөлөлтийн мөнгийг Нийслэлийн Засаг даргын төсвийн багцад шилжүүлжээ. Мөн сайд нарын  гадаад томилолтыг багасгасан байна.

5

Өмнөговь-Улаанбаатарыг холбосон замыг хүлээж авна

6

Энэ жил Улаанбаатар хоттой дөрвөн аймгийг хатуу  хучилттай замаар холбохоор төлөвлөсөн байсан. Гэвч Дорнод аймгийг энэ онд багтаан нийслэлтэй хатуу хучилттай замаар холбож амжихааргүй болсон байна. Харин Өмнөговь аймгийг Улаанбаатартай холбосон хатуу хучилттай автозамыг ирэх даваа гаригт хүлээж авах ажээ. Сүхбаатар, Хөвсгөл аймгийг Улаанбаатартай холбосон хатуу хучилттай замын нээлт ирэх 11 дүгээр сард болох аж.

6

ЗТЯ-ны тавьсан замыг ЭХЯ “эвджээ”

6

Засгийн газрын өчигдрийн хуралдаанаар ЭХЯ-ны Төрийн нарийн бичгийн дарга Д.Дэлгэрцогтод арга хэмжээ авчээ. Нисэхийн автозам саяхан ашиглалтад оруулсан. Харин ашиглалтад оруулаад удаагүй байгаа энэ замын таван хэсэгт дахин хуулалт хийсэн байна.  Учир нь дээрх зам дээр шугам хоолойн ажил явагдсан байна. Зам тавигдсаны дараагаар дахин эвдэлж сүйдлэн шугам хоолойн ажил явуулсан нь яамд хоорондоо уялдаагүй, хариуцлагагүй ажиллаж байгаагийн илрэл гээд ажилдаа эзний ёсоор хандахыг  Ерөнхий сайд онцолж байлаа.  Тиймээс Дэлгэрцогт дарга ажлаасаа халагдахын наагуур хариуцлага тооцуулсан байна.

6

Н.Энх