“Ийгл Ньюс” агентлаг шинэ гүйцэтгэх захиралтай боллоо. Өмнөх захирал А.Амундра үүрэгт ажлаа хүлээлгэн өгсөнтэй холбоотойгоор түүний оронд Д.Бадамдашийг томилсон байна. Д.Бадамдаш нь МУИС-ийн Улс төр судлалын ангийг төгсөж, АНУ-д улс төрийн ухааны магистрын зэрэг хамгаалсан. Өнгөрсөн хугацаанд МУИС-ийн багш, Азийн сангийн Төслийн менежер, Голомт банкны ТУЗ-ийн Нарийн бичгийн дарга, Гадаад харилцааны сайдын зөвлөх, “Монгол Масс Медиа” группийн ТУЗ-ийн даргаар ажиллаж байжээ.