“Чингисийн Монгол” залуучуудын холбоо, гадаадад суугаа монголчуудын төлөөлөл өнөөдөр  мэдээлэл хийж, Монгол Улсын Ерөнхийлөгч Ц.Элбэгдорж, Ерөнхий сайд Н.Алтанхуяг, УИХ-ын дарга З.Энхболд болон УИХ-ын нийт гишүүдэд шаардлага хүргүүлж буйгаа мэдэгдэв. Төрийн өндөрлөгүүдэд хүргүүлж буй шаардлагад дэлхийн улс орнуудад ажиллаж, амьдарч байгаа 2400 иргэн гарын үсэг зурсан аж. Тус шаардлагад “Гадаадад сурч, ажиллаж буй эх орноо гэсэн халуун сэтгэлтэй олон мянган залуучуудын төлөөлөл болсон бидний хэсэг иргэд Монгол Улсын Үндсэн хуулийн 3.1 дүгээр заалтаар баталгаажсан төрийн үйл хэрэгт шууд оролцох, Үндэсний аюулгүй байдлын тухай хуулийн 14.2 дугаар заалтаар олгогдсон ҮАБ-д хохирол учруулж болзошгүй асуудлаар төрийн зохих байгууллага, албан тушаалтанд санал гомдлоо тавьж, шийдвэрлүүлэх эрхээ эдэлж дараах шаардлагыг та бүхэнд хүргүүлж байна.

ах

Сүүлийн үед Монголын улс төр, нийгэм эдийн засагт гадныханы ноёрхолыг тогтоохын төлөө хэт, улайрсан үйлдлүүд хэрээс хэтэрч буйд Монгол Улсын жинхэнэ эзэд иргэд бид нэн түгших боллоо. Тухайлбал, Монгол Улсын газар нутаг эрдэс баялагийг  харийнханд найр тавин олгох зорилготой хэсэг бүлэг хүмүүс, холбогдох хуулиудыг яаравчлан шинэчилж, нэмэлт өөрчлөлт оруулахаар санаархаж буй нь Монгол Улсын Тусгаар тогтнол, нутаг дэвсгэрийн бүрэн бүтэн байдал, Монгол ард түмний удмын сангийн аюулгүй байдал, иргэдийн эрүүл аюулгүй орчинд амьдрах эрх,  хөрөнгө өмчлөх, эзэмших эрх газар нутаг ард түмний мэдэлд байх, бэлчээр өмчлүүлэхийг зэргийг хориглохыг шаардаж байна” гэжээ.

ө

Мөн Газрын тухай хуулийг боловсруулж, ард иргэдэд буруу ташаа мэдээлэл өгч төөрөгдүүлсэн ажлын хэсгийн ахлагч, Ц.Баярсайхан, Г.Баярсайхан, Б.Гарамгайбаатар нарыг Монгол Улсын эрх ашгаас урваж, Үндэсний аюулгүй байдалд заналхийлсэн, гэмт хэрэг үйлдэхээр завдсанд тооцож, хатуу шийтгэхийг шаардаж байгаагаа илэрхийлэв. Энэхүү бичгийг хүлээж авснаас хойш долоо хоногийн дотор олон нийтийн мэдээллийн хэрэгслээр хариу өгөхийг шаардаж арга хэмжээ аваагүй тохиолдолд Монголд болоод олон улсад эсэргүүцлийн арга хэмжээ зохион байгуулна гэдгээ мэдэгдлээ. Мөн Олон улсын шүүхэд хандах гэнэ.

б

В.Бат