БНСУ-д эмчлүүлж буй Монгол Улсын гурав дахь Ерөнхийлөгч, МАХН-ын дарга Н.Энхбаяр гэр бүлийн хамт тус улсаас  улс төрийн орогнол хүссэн гэх мэдээлэл өнөөдөр тус улсын  хэвлэлүүдээр гарсан билээ. Үүнтэй холбоотойгоор МАХН-ын Нарийн бичгийн дарга Ц.Шаравдорж, УИХ-ын гишүүн Тэрбишдагва, О.Баасанхүү, намын Ерөнхий нарийн бичгийн дарга Г.Шийлэгдамба нар дөнгөж сая мэдээллэл хийлээ.

a

МАХН-ын Ерөнхий нарийн бичгийн дарга Г.Шийлэгдамба:

Манай намын дарга Н.Энхбаярыг БНСУ-аас улс төрийн орогнол хүссэн гэх мэдээлэл өнөөдөр тус улсын хэвлэлүүдэд нийтлэгдсэн байна. Бид энэхүү мэдээллийн дагуу өнөөдөр шуурхай хуралдаж, намын даргатайгаа утсаар холбогдсон. Солонгосын хэвлэлд гарсан энэ бүх мэдээлэл ташаа болохыг энд албан ёсоор мэдэгдэж байна. Уг мэдээллийн дагуу бид БНСУ-д суугаа Монгол Улсын Элчин сайдын яаманд хандах гэж байна. Гүтгэлгийн чанартай энэхүү мэдээллийг хаанаас тараасан, ямар эх сурвалжаас авсан болохыг бид нягтална.  Н.Энхбаяр даргыг ийм байдалд оруулахыг хүсдэг, түүнийг Монгол Улсад ирэхээс нь айдаг улстөрчдийн зохион байгуулалттай үйл ажиллагаа гэдэг нь ойлгомжтой.  Энэ бол ор үндэслэлгүй мэдээлэл. Өмнө нь түүнийг тус улсаас орогнол хүссэн тухай мэдээлэл гарч байсан. Гэтэл одоо энэхүү мэдээлэл хил хязгаар дамнан олон улсын хэвлэлд гарч байгаа нь туйлын харамсаж байна. Энэ асуудлаар цаашдаа МАХН хуулийн хүрээнд бүх шатанд нь асуудлыг тавьж, олон нийтийн анхаарлын төвд байлгаж үнэн бодитоор дэлгэж тавина гэдгээ хариуцлагатайгаар мэдэгдэж байна

s

УИХ-ын гишүүн О.Баасанхүү:

Улс орны чухал асуудал хэлэлцэгдэж байгаа энэ үед зориудаар МАХН-ын дарга руу дайрсан мэдээлэл явж  гаргаж, олны анхаарлыг өөр тийш нь хандуулах гэсэн оролдлого хийж  байна. Одоогийн гараад байгаа мэдээлэл нь урьд хэвлэлээр бор шувуу шиг тодорхой хэмжээгээр нисч байсан. Гэхдээ бид тэр үед энэ худлаа мэдээллийн араас явж, та бүхний ажлыг алдагдуулаад яах вэ гэдэг утгаараа ач холбогдол өгөөгүй. Гэтэл өнөөдөр Солонгосын өдөр тутмын сонин болон телевизээр гарч байгаа мэдээлэлд бид эгдүүцэж, гайхаж, буруушааж байна. БНСУ-ын хуулиар гадаадын иргэнийг улс төрийн орогнол хүсэхийг хориглосон байдаг. Мөн МАХН-ын дарга Н.Энхбаярын хэзээ ч ийм зүйл хийх хүн биш. Тийм шалтаг шалтгаан ч байхгүй. Цаашид нэр төрөө сэргээлгэхээр зохих ёсны байгууллагад нь хандана.

a

МАХН-ын ажлын албаны дарга Д.Шаравдорж:

Миний хувьд МАХН-ын ажлын албаны даргын хувиар өнөөдөр Н.Энхбаяр даргатай байнга холбоотой байдаг. Хэдхэн хоногийн өмнө бид уулзахад Н.Энхбаяр дарга монголдоо нэг очих юмсан гэж байсан. Тус улсын хэвлэлд нийтлэгдсэн энэхүү нийтлэл нь манай эндээс л гарсан мэдээлэл гэдэг нь тодорхой байна. Урьд нь иймэрхүү мэдээлэл гарч байна. Намын даргыг минь монголд ирүүлэхгүйн төлөө, Монголын улс төрөөс явуулахын төлөө, МАХН гэсэн улс төрийн хүчнийг байхгүй болгохын тулд ийм ичгүүргүй гүтгэлэг гаргаж байна. Тиймээс бид өнөөдөр мэдээллийг хийж байна. Та бүхэн үнэн бодит байлыг мэдээлж өгөөрэй. Бид цаашдаа ийм гүжир, гүтгэлгийг таслан зогсоохын төлөө тэмцэх болно.

Нэг зүйлийг тэмдэглэж хэлэхэд, МАХН-ын байртай холбоотой зохиомол хэрэг зарим хэвлэлээр гарсан. МАХН-ын байрыг 500 мянган ам.доллараар худалдаж авах гэрээ байгуулаад тэрхүү мөнгийг нь хоёр хоногийн дараа шилжүүлснээр худалдах, худалдан авах гэрээ хууль ёсныхоо дагуу хийгдээд дуусгавар болсон. Гэтэл гурван жилийн дараа нэг хүн мөнгө нэхэж байгаа. Энэ асуудалд ямар нэгэн эрүүгийн хэргийн шинж байхгүй. Иймэрхүү байдлаар манай намыг гүжирдэж, гүтгэж байна. Намын даргатай нь улс төрийн тооцоо хийхийн тулд, МАХН-ын нэр хүндийг гутаахын төлөө улс төрийн хүчнүүд ийн ажиллаж байна. Энэ бол гүтгэлэг, миний нэр хүндэд халдсан асуудал гэдгийг МАХН-ын дарга Н.Энхбаяр Монголын сэтгүүлчдэд дамжуулахыг хүссэн шүү. МАХН-ын дарга Н.Энхбаяр улс төрийн орогнол хүссэн, өөр бусад аргаар тус улсад үлдэх гэсэн ямар нэгэн санаа зорилго байхгүй гэдгийг албан ёсоор мэдэгдэж байна” гэлээ.

a

Энэ үеэр МАХН-ын Ерөнхий нарийн бичгийн дарга Г.Шийлэгдамбаас цөөн асуултад хариулт авлаа.

a

-Танай намын дарга иргэншилээ солино гэсэн мэдээлэл ташаа гэж байна. Таны хувьд  намын даргатайгаа хэзээ холбогдож мэдээлэл авсан бэ?

-Сүүлийн арав гаруй хоног өдөр бүр намын даргатайгаа холбогдож ярих ажлын шаардлага гарч байгаа. Үүний дагуу утсаар холбогдож байсан.  Өнөөдөр хүртэл холбогдож утсаар ярьсан. Энэ үеэр  өнөөдөр гарсан  мэдээлэлтэй холбоотой ярилцсан.  Н.Энхбаяр дарна маш их гайхаж цочирдож, тодорхой хэмжээгээр бухимдаж  хүлээж авсан. Үнэхээр байхгүй зүйлийг байгаа болгосон энэхүү асуудал нь Н.Энхбаяр даргыг Монгол Улсын иргэн байх эрхэнд нь бүдүүлгээр халдаж байна гэсэн үг. Тэгэхээр улс төрийн бусармаг  үйл ажиллагаа хэрээс хэтэрч  Монгол Улсын иргэний харъяаллын асуудлаар улс төр хийхийг санаархаж байгаа нь туйлыг харамсалтай хэрэг. Н.Энхбаяр даргыг эх орондоо ирэхээс нь болгоомжилдог, эрүүл мэндийн байдал нь  бүр муудаасай гэж боддог хүмүүс арай  байдаггүй байх. Гэхдээ ийм байдал үүсч  байгаагаас харахад улс төрийн зорилгоор ямар ч хүнийг ямар ч байдлаар гутаан доромжлоход бэлэн улс төрийн харанхуй  нөхцөл байдал үүссэн гэдгийг нэг талаас нотолж өгч байна. Н.Энхбаяр дарга өөр аль нэг улс орныг сонгож, иргэншлээ солих улстөрийн орогнол хүсэх ямар нэгэн асуудал байхгүй. Энэ бүхэн ээлжит гүтгэлэг. Цаашдаа намынхаа зүгээс хууль хяналтын байгууллагад хандаж, асуудлыг илүү тодорхой болгон олон нийтэд мэдээлнэ гэждгийг хэлмээр байна.

az

-Улс төрийн орогнол хүсч байгаа гэх мэдээлэл өнөө өглөөнөөс эхэлж гарлаа. Харин та бүхэн иймэрхүү мэдээлэл гарах гэж байгааг мэдэж байсан уу?

-Өнгөрөгч есдүгээр сарын эхээр яг ийм утгатай мэдээллүүд монголын хэвлэл мэдээллийн хэрэгслүүдээр явсан. Өөрөөр хэлбэл монголын зарим нэг сонин, цахим  хуудсуудаар Н.Энхбаяр дарга улс төрийн орогнол хүсэх гэж байна хэмээн мэдээлж эхэлсэн. Тухай бүрт нь бид тийм асуудал огт байхгүй Н.Энхбаяр дарга хэзээ ч иргэншлээ солихгүй, аль нэг улс орноос улс төрийн орогнол хүсэх асуудал үүсэхгүй тухай мэдээлж байсан. Харин ч өнгөрсөн  хугацаанд болсон улс төрийн хэлмэгдүүлэлтийг цагаатгахын төлөө  идэвхитэй  ажиллана гэж мэдэгдэж байсан. Гэтэл энэ мэдээлэл БНСУ-ын  сайтуудаар гарахдаа монголд гарсан мэдээллийг үндэслэн эх сурвалжаа болгон гаргасан тухай бидэнд мэдээлж байгаа. Тэгэхээр энэ хоёрын  хооронд холбоос байна. Эхний шат нь монголд гаргасан мэдээлэл, дараагийн шатанд БНСУ-д гарахдаа эхний мэдээллээр дамжих байдлаар гарсан байна. Энэ бүхний цаана улс төрийн  зорилгоо гүйцэлдүүлэх гэсэн маш нарийн зохион байгуулалттай, магадгүй Н.Энхбаяр даргад, МАХН-д дургүйцдэг 2-3 хүний хийсэн ажил гэж харагдахгүй байна. Энэ бол бүхэн бүтэн   бүлэглэл,  нарийн зохион байгуулалттай  ажиллагаа гэж ойлгогдож байна. Гэхдээ энэ бүхэн удахгүй ил болно.  Ил болгох бололцоо бидэнд байгаа.

as

-Хувь хүнтэй холбоогүй, нам фракцитай холбоотой гэж бодож байна уу?

-Энэ тодорхой шүү дээ. Улс төр бизнесийн эрх ашигтай холбоотой. МАХН-ыг улс төрийн идэвхитэй үйл ажиллагаа явуулахад нь байнга саад бэрхшээл учруулж байдаг.Н.Энхбаярыг дахин улс төрийн тавцанд дахин гарахын эсрэг байдаг улс төрийн зорилготой хэсэг нөхдүүдийн хийж байгаа ажил.

s

П.Нарандэлгэр