Үйлдвэр, хөдөө аж ахуйн яамны Төрийн нарийн бичгийн дарга Х.Золжаргал өнөөдөр сэтгүүлчдэд мэдээлэл хийлээ. Тэрбээр хэвлэлийн хурлын эхэнд гүтгэлэгт тайлбар өгч, няцаалт хийхээ мэдэгдсэн юм. Түүнийг шүлхийн вакцин оруулж ирсэн компани, "Мон Хидро" ХХК, нөөцийн махны бэлтгэгч, сурагчийн дүрэмт хувцас гэх мэтээр маш олон асуудалтай холбон гүтгэсэн гэнэ. Гэтэл энэ бүгдэд үнэлгээний хороо байгуулагдан, сонгон шалгаруулалтаар ажил гүйцэтгэсэн. Төрийн нарийн бичгийн дарга үнэлгээний хорооны зөвлөмжийн дагуу гүйцэтгэгчтэй гэрээ байгуулж, гарын үсэг зурсан. Өөрөөр хэлбэл үүссэн бүх асуудал түүнтэй ямар ч холбоогүй хэмээн мэдээлэв. Мөн тэрбээр эрх ашиг нь хөндөгдсөн нэг компани нөгөөтэйгээ намайг холбодог байдал бий болчихлоо. Тиймээс энэ асуудлуудын талаар хууль хяналтын байгууллагад шалгуулахад бэлэн гэдгээ мэдэгдэв.

б

В.Бат