Өнөөдөр намрын дунд сарын шинийн 17-ны билэгт сайн өдөр. Хуримын ордонд энэ өдөр шөнийн 02 цагаас эхлэн үдшийн 22 цаг хүртэл 77 хосын “Гэрлэх ёслол”-ыг баталгаажуулж, улсдаа өрх бүлийн тоог нэмж буйг нь зарлах юм байна. Ёслолын дараа амраг хосууд гэр бүл ах дүү хамаатан садан найз нөхдийн хамт Их эзэн чингис хааны хөшөөнд хүндэтгэл үзүүлж, дурсгалын зураг авахуулахаар зорин ирдэг уламжлалтай. Уламжлалт ёслолын нэгээхэн хэсэг болсон Чингис хааны хөшөөний дэргэд зургаа авахуулах гэсэн хосуудын цуваа тасралтгүй үргэлжилсээр үдшийн бүрийтэй золгох байх даа. Энэ өдөр гэр бүл болж буй хосууддаа аз жаргал, сайн сайхан бүхнийг хүсэн ерөөе.