Дээд шүүх Н.Очирбатад 82 сая төгрөг гаргуулахаар шийдвэрлэв

2014-10-13

Дээд шүүх Н.Очирбатад 82 сая төгрөг гаргуулахаар шийдвэрлэв

Улсын Дээд шүүхийн хяналтын шатны иргэний хэргийн шүүх хуралдаанаар энэ сарын 9-ний өдөр Н.Очирбат, Б.Хулан нарын нэхэмжлэлтэй “Хурилдуур” ХХК, “Баганат өргөө групп” ХХК-иудад холбогдох иргэний хэргийг хэлэлцжээ. Шүүх хуралдаанаар уг хэргийг хянан хэлэлцээд давж заалдах шатны шүүхийн магадлалыг хүчингүй болгож, анхан шатны шүүхийн шийдвэрт өөрчлөлт оруулан, нэхэмжлэлийг бүхэлд нь хангаж шийдвэрлэсэн байна. Ингэснээр Н.Очирбат, Б.Хулан нарт “Баганат өргөө”, “Хурилдуур” ХХК-иудаас гэм хорын хохиролд 82 сая төгрөг гаргуулахаар болжээ.

Хэргийг сануулахад, Н.Очирбат нь “Онцгой байдлын Ерөнхий газрын харьяа Аврах тусгай ангийн бүлгийн даргаар ажиллаж байхдаа 2012 оны есдүгээр сарын 7-ны өдөр ангийн захирагч А.Батмөнхийн тушаалаар Баянзүрх дүүргийн нутаг дэвсгэр Бөхийн өргөөний баруун урд байрлалтай “Хурилдуур” ХХК-ийн харьяа “Эрин” эмнэлгийн барилга дээр 11 ахлагчийн хамт ажил үүрэг гүйцэтгэсэн. Гэтэл 10.00 цагийн үед хажуу талын “Баганат өргөө” ХХК-ийн барьж буй барилгын 12 давхраас тулгуур төмөр унаж, Н.Очирбатын дух, нүүрний хэсгийг онож, тархи болон нүүр, хацрын яс нэлэнхүйдээ бяцарч хүнд гэмтэл авч байсан.

Тэрбээр “осолд орсноосоо хойш БНХАУ, Энэтхэг улсад явж эмчилгээ хийлгэсэн боловч өрөөсөн нүд сохорч, үнэрлэх амтлах чадваргүй болж, нүүрний гоо сайхан засаршгүйгээр гэмтэл учирсан. Ийм учраас БНСУ-ын “Тэжон Сон” эмнэлэгт 2013 оны 8 дугаар сарын 1-ний өдөр хэвтэж, наймдугаар сарын 6-ны өдөр хагалгаанд орж, зовхинд мэдрэл шилжүүлэн суулгах, хамар хацрын хугаралтай ясыг тэгшлэх, сорви арилгах клиник болон пластик хагалгаа хийлгэж, 8 дугаар сарын 26-ны өдрийг хүртэл эмчлүүлсэн. Эмчилгээний зардалд нийт 82 сая төгрөгийг хариуцагч нараас гаргуулж өгнө үү” гэсэн нэхэмжлэлийн шаардлагыг шүүхэд гаргажээ.

Дүүргийн Иргэний хэргийн анхан шатны нэгдүгээр шүүх дээрх хэргийг 2014 оны гуравдугаар сарын 19-ны өдөр анхан шатны журмаар хянан хэлэлцээд хариуцагч “Баганат өргөө групп”, “Хурилдуур” ХХК-иудаас тус бүр 28.912.868 төгрөг, нийтдээ 57.825.736 төгрөгийг гаргуулан нэхэмжлэгч Н.Очирбат, Б.Хулан нарт олгож, нэхэмжлэлээс 24.174.264 төгрөгийн шаардлагыг хэрэгсэхгүй болгож шийдвэрлэжээ.

Гэтэл Иргэний хэргийн давж заалдах шатны 10 дугаар шүүх 2014 оны 6 дугаар сарын 27-ны өдөр мөн хэргийг хянан хэлэлцээд Н.Очирбат, Б.Хулан нарын нэхэмжлэлийг бүхэлд нь хэрэгсэхгүй болгож шийдвэрлэж байжээ. Харин Улсын Дээд шүүхийн хяналтын шатны иргэний хэргийн шүүх хуралдаанаар уг хэргийг дээрх байдлаар шийдвэрлэсэн байна.

Б.Буд

СЭТГЭГДЭЛ БИЧИХ

зочин:

эрүүл саруул хүнийг ийм болгочихоод шүүхдэлцээд байдаг сонин байна.82 сая ₮ юуч биш.залуу хүн бүх насаараа ажлын чадвараа алдаж,эрэмдэг болно гэдэг л ёстой эмгэнэл.

2014-10-19

ariunaa:

ter ontsgoid ajild orj bolohgvi ni haihardaggvi ym bilee....saihab zaluus mini ontsgiud ajillasni toloo ingej hihirch bolohgvi.....

2014-10-14

дарга нарт:

тушаал гаргасан дарга нарт арга хэмжээ авах хэрэгтэй

2014-10-13

182 сая шүү:

82 саяаар эдгэх үү 182 сая гээч хүний гоо сайхан чухал эрхтэнг шүүх тодорхой баримттай юманд иргэдийн төлөө ажиллаж чаддагүй .

2014-10-13

hairan zaluu:

хайран залуу, ажилаа хийж яваад ийм болчихоод 82 сая төгрөгөөр эдгэрлээ юу? 82 сая төгрөг өгөх гэж эд нар юун сүртэй шүүхдэж байж өгдөг юм. энэ залуу, үр хүүхдийнх нь амьдралыг бодоод 2 өрөө байр өгчихөд яадаг гуйлгачингууд вэ. эд нар 2 хон өрөө байраар дутлаа юу. тэр ажлуулж байсан онцгой байдлын ерөнхий газар ч гэсэн үнэн харгис, новшын газар юм даа. ер нь хүнээ боддоггүй газар л хүнийг ийм болгож байгаа шүү дээ.

2014-10-13