Үндэсний үйлдвэрлэгч “Талх чихэр” ХК үүсгэн байгуулагдсны түүхт 30 жилийн ойдоо зориулан Франц үндэсний жинхэнэ багет талхыг үйлдвэрлэж, худалдан авагчиддаа бэлэг барьж байгаа аж. “FRENCH BAGETTE” нэртэйгээр худалдаанд гаргахаар болсон Монголд анхдагч тус брендийн нээлт өнөөдөр “Баянгол” ресторанд боллоо.

s

“Талх чихэр” ХК-иас хэрэгжүүлж буй инновацийн хөтөлбөрийн хүрээнд 2014 онд Франц улсын “Bongard”, Испани улсын “Ciperpan”, Бүгд найрамдах Чех улсын “Topos” компанитай байгуулсан хөрөнгө оруулалтын гэрээний дагуу багет талх үйлдвэрлэх иж бүрэн тоног төхөөрөмж, технологийг оруулж ирж, талхны үйлдвэртээ суурилуулжээ. Ингэснээр монголд анх удаа жинхэнэ Франц арга барил, технологийн дагуу хийгдсэн багет талхийг хэрэглэгчдийн өдөр тутмын хэрэгцээнд нийцүүлэн үйлдвэрлэж эхэлж байгаа юм.

s

Анх 1920 оноос эхлэн урт, нарийн саваа хэлбэртэй талх “Багет” нэртэйгээр үйлдвэрлэгдсэн хөвсгөр зөөлөн, анхилам үнэр, хатуу шаржигнасан гадаргуу нь хэдийнээ дэлхийн хэрэглэгчдэд танил болсон  гэдэг. Багет талхны үйлдвэрлэл нь сонгодог технологид тооцогддог бөгөөд 24 цагийн турш зурмагийн исгэлтийг хүйтэн орчинд явуулдаг бөгөөд ингэснээр талхны гойд үнэр, амт бүрэлдэн тогтох үндэс болдог байна.

s

Багет талхны 45 хувь нь ус байдаг тул ийм чийглэг талх нь хүний биед шингэхдээ хурдан учраас экологийн цэвэр бүтээгдэхүүн болдог аж. Үлдсэн 55 хувийг үндсэн түүхий эд болох хөх тариан гурил болон буудайн гурил эзэлдэг байна. Иймээс багет талханд витамин В, А, Е, F болон цинк, магни, кали, медь, маргенц, иод, селен тодорхой хэмжээгээр агуулагддаг тул хүний биеийн эрхтэн тогтолцооны үйл ажиллагааг зохицуулах үйлчилгээтэй бүтээгдэхүүнд тооцогддог ажээ.

s

П.Наран