Өмнөговь аймгийн Ханбогд сум, Хатанбулаг сумын зааг “Галба 11” талбайд газрын тосны хайгуул хийгдэж байна. Одоогоор уг талбайд 14 цооног өрөмдөөд байгаа бөгөөд геофизикийн судалгааны шатандаа явж байна. “Галба 11” талбайд хийгдэж буй хайгуулын ажлын нөөцийн судалгааг ирэх оны нэгдүгээр улиралд бүрэн дуусгах аж. Талбайн нөөцийг бүрэн тогтоосны дараа ТЭЗҮ-г үндэслэн цаашдын хэтийн төлвийг тодорхойлох юм байна.