Шүүгчийн эрхзүйн байдлын тухай хуулийн дагуу шүүгч, шүүх бүрэлдэхүүн нөлөөллийн мэдүүлэг хөтөлдөг болсон. Өөрөөр хэлбэл эрүү, иргэн, захиргааны хэрэг хянан шийдвэрлэх ажиллагааны явцад шүүгч, шүүх бүрэлдэхүүнд хөндлөнгөөс нөлөөлөхийг оролдсон үйлдлийг баталгаажуулан баримт хөтөлж байгаа гэсэн үг.

f

Шүүхийн Ерөнхий зөвлөлд шүүгч, шүүх бүрэлдэхүүнээс нийт есөн нөлөөллийн мэдүүлэг хөтөлж ирүүлснийг шийдвэрлэхээр хуулийн байгууллагад шалгуулж байгаа тухай өнөөдөр хурлын үеэр мэдээлэв. Эдгээр үйлдлийн 56 хувь нь дарамтлах заналхийлэх, 22 хувь нь гүтгэх доромжлох, 11 хувь нь шийдвэрийг урьдчилан хэлэлцэхийг санал болгох, 11 хувь нь нөхцөл байдлыг тайлбарлах зэргээр шүүгчид нөлөөлөхийг оролдсон байна.

d

Харин шүүгчийн хараат байдалд халдсан этгээдэд нэг сарын хөдөлмөрийн хөлсний доод хэмжээг арав дахин нэмэгдүүлсэнтэй тэнцэх хэмжээний төгрөгөөр торгох, Гадаадын иргэнийг бол албадан гаргаж дахин ирэх эрхийг арав хүртэлх жилээр хасах, албан тушаалтныг бол огцруулах, улс төрийн нам болон төрийн бус байгууллага, хуулийн этгээдийг нэг сарын хөдөлмөрийн хөлсний доод хэмжээг арав дахин нэмэгдүүлсэнтэй тэнцэх хэмжээгээр торгох хуультай. Мөн буруутай этгээдийг 30 хүртэлх хоногоор баривчлах аж.

б

Б.Бэхи