Оросын алдарт бөх Б.Сайтиевийн нэрэмжит чөлөөт бөхийн өсвөр үеийн олон улсын Х дахь удаагийн тэмцээнд оролцох Монголын баг тамирчид өнөөдөр тус улсыг зорилоо. Уг тэмцээнд ОХУ-аас гадна Бельги, Казахстан, Киргиз, Монгол, Тажик, Узбек, ХБНГУ, Япон зэрэг улсын бөхчүүд өрсөлдөнө. Энэ сарын 25-26-ны өдрүүдэд ОХУ-ын Красноярск хотын И.Ярыгиний нэрэмжит Спортын ордонд болох тус тэмцээнд манай улс долоо дахь удаагаа оролцож байгаа аж. Манай улсын багийн ахлагчаар МЧБХ-ны Шүүгчдийн зөвлөлийн дарга, олон улсын шүүгч Ц.Сэрээтэр, шүүгчээр олон улсын шүүгч Б.Гансүх, дасгалжуулагчаар П.Чулуунбаатар нар ажиллах юм байна.

ө

Өсвөрийн олон улсын тэмцээнд оролцож буй тамирчдыг танилцуулбал:

ө

42 кг-ын жинд Энхбаярын Бямбадорж, Сүхболдын Эрдэнэбаяр

ө

46 кг-ын жинд Алтанболдын Даваасүрэн /Сонгино-Хайрхан дүүрэг, ”Ирээдүй” цогцолбор сургууль/

ө

50 кг-ын жинд Мөнхбатын Энхбат /Сонгино-Хайрхан дүүрэг, “Ирээдүй” цогцолбор сургууль/, Төмөр-Очирын Тулга /”Арслан” клуб/

ө

54 кг-ын жинд Цэвээнсүрэнгийн Цогбадрах /БТСДуС/

ө

58 кг-ын жинд Нацагдоржийн Тэмүүжин

ө

63 кг-ын жинд Эрдэнэбилэгийн Цэрэнтогтох /Орхон аймаг, “Ирээдүйн одод” спортын дунд сургууль/

ө

76 кг-ын жинд Занданбудын Сумьяазар /”Арслан” клуб/

ө

85 кг-ын жинд Төмөрбатын Мөнгөншагай /Баянгол дүүрэг, 73 дугаар сургууль/ нар оролцох юм.

ө

В.Бат