Өчигдөр Нийслэлийн Засаг дарга, Нийслэлийн Ардчилсан намын дарга Э.Бат-Үүл Ерөнхий сайд Н.Алтанхуягыг огцруулах ёстой гэж мэдэгдэл гаргасан юм. Энэ асуудлаар УИХ дахь АН-ын бүлгийн дарга мэдээлэхдээ манай намын дарга, ерөнхий нарийн бичгийн дарга, нийслэлийн Ардчилсан намын дарга нар дотооддоо шийдээд зохицуулах боломжтой асуудал тул Ерөнхий сайдыг огцруулах тухай саналыг хүлээж авахгүй гэсэн юм. Харин нийслэлийн Ардчилсан намын дарга Э.Бат-Үүл намаа аврахын тулд Ерөнхий сайдыг огцруулах нь зүйтэй гэдгээ дахин мэдэгдсэн тул уг асуудлаар түүнээс тодруулснаа хүргэж байна.

6

-Ерөнхий сайд нийслэлийн Ардчилсан намын дарга, миний найз надтай ингэж тэмцэлдэх гэж. Таны асуудал бол хотын утаа гэсэн байр суурьтай байгаагаа илэрхийж байна. Энэ тал дээр таны бодол?

 -Сая ч гэсэн УИХ дээр их сонин юм хэлж байна. Нийслэлийнхээ хог, брожураа шийдээд л явж байгаа ч гэж байна. Нийслэлийг хог брожур хариуцдаг байгууллага гээд ойлгочихсон юм байна л даа. Үнэн хэрэг дээрээ нийслэл гэдэг бол нийгэм эдийн засгийн цогцолбор юм. Үндсэн хуулин дээр юу гэж заасан байдаг гэхээр орон нутгийн бие даасан байдлаа алдаж болохгүй байгууллага гэж заасан байдаг. Тэгэхээр бид хоёрт ойлголцолын зөрүү яваад байна. Сая төсөв хэлэлцэхэд оруулж ирсэн Засгийн газрын төсөвтөө Улаанбаатар хотыг цалин нийгмийн халамж, нийтийн тээврийн тэтгэлэг олгодог урсгал данс болгоод хаячихлаа. Ямар ч хөрөнгө оруулалт байхгүй, тэр ч бүү хэл ашиглалтын хөрөнгө оруулалт ч байхгүй байна. Нийслэлийн амьдралыг хэвийн үргэлжлүүлж үйл ажиллагаагаа аваад явах боломжгүй зүгээр л нэг цалингийн данс болгочихсон байна. За яахав гэж бодвол цалингийн дансанд урсгал орж ирэх ёстой. Тэгж байж цалингаа цаг хугацаанд нь тавидаг байх ёстой. Одоо байгаа төсвөөр бидэнд цалин хариуцуулчих юм бол эмч, багш нарын цалинг тавьж чадахгүй болно. Ингэснээр нийгмийн тогтворгүй байдалд хүргэнэ. Орон нутагт эрх мэдэл өгч байгаа юм шиг огт буруу юм яриад байна, тэр бол худлаа. Өөрөөр хэлбэл, тодорхой хөрөнгө оруулалтын эх үүсвэргүйгээр та нар өөрсдөө шийдээд мэдчих гээд эрх мэдэл өгч байгаа юм шиг ярьж байна. Энэ шиг худлаа юм байхгүй. Тийм боломж ч байхгүй. Яг үнэндээ нийслэлд хөрөнгө оруулалт гэж өгч байгаа тэр төсөв бол өнгөрсөн жилүүдэд он дамжуулан хийгдэж байгаа ажлын дутууг үргэлжлүүлэх хөрөнгө л байна.

7

-Та хоёрын зөрчил төсвөөр дамжиж байна уу?

-Үгүй ээ. Бид хоёрын зөрчил төсвөөр дамжиж байгаа юм биш. Ерөнхий сайд хуучин захиргаадалтын систем тогтоох гэж байна. Нэг зөрчил нь орон нутгийн эрх мэдэл ийм байж болохгүй гээд байгаа асуудал. Өөрөөр хэлбэл 1990 оны ардчиллаар олж авсан орон нутаг бие дааж хөгжих эрхтэй болсныг үгүйсгэж борлохгүй. Нийслэлийг агентлагаас дор түвшинд тавьж болохгүй гэж үзэж байна. Хоёр дахь зөрчил нь манай намтай холбогдсон зөрчил. Хэтрүүлэгтэй хэлбэл, Ардчилсан намын тодорхой хэсгийг МАХН-ын, тэр дундаа Н.Энхбаярын хувийн өмчийн намын сонгуулийн штаб болгох гэж байна. Энэ асуудлыг зөвшөөрөхгүй.

7

-Намын удирдлага нь таньтай зөвшилцсөн үү?

-Санал солилцоо ч үгүй. Зөвшилцөө ч үгүй. Би үнэндээ сүүлд нь л мэдсэн.

7

-Намын дарга нь гэрээгээ эргэж харахгүй бол яах вэ?

-Би өчигдөр асуудлыг их тодорхой тавьсан. Үндэсний зөвлөлдөх хороо энэ гэрээ хийсэн хүнтэй хариуцлага тооцох талаар ярьсан. Намын дүрмэн дээр ҮЗХ –ноос аливаа гэрээ хийх эсэхийг батална гэж заасан байгаа.  Тойргоосоо тодорхой тоогоор өгөх юм уу, тойрогтоо намын маань төлөөлөл ажиллах юм уу гэдэг нь өөрөө үндсэн асуудалд хамаарна. Энэ асуудлаа ҮЗХ-оор яриад үзэглэхээр яваад, ирэхээр нь баталдаг. Ийм л процесс явагддаг. Гэтэл тодорхой тооны тойрог өгнө. Тэр тойрог дээр нэр дэвшигчийг нь дэмжиж ажиллана гэж үүрэг авсан байна. Хамгийн гол нь уг гэрээг харсан бол талууд гарын үсэг зурснаар хүчин төгөлдөр үйлчилнэ гэж заасан байгаа. Тийм учраас шууд хүчин төгөлдөр үйлчлэх гэрээний асуудлаар шүүхэд хандахаас өөр аргагүй байна.

8

-Сөрөг хүчнээс огцруулах тухай тогтоолын төсөл гаргаад буй. Энэ төсөлтэй санал нэг байгаа юу?

-Би сөрөг хүчнээс гаргасан Ерөнхий сайдыг огцруулах үндэслэлийг хүлээж аваагүй. Харин миний хувьд намынхаа УИХ-ын гишүүдэд хандаж “Хэрвээ намаа аврая гэж байгаа бол Ерөнхий сайдыг огцруулах кнопоо дарах ёстой л гэж хэлсэн”.

8

П.Наран