Эдийн засгийн байнгын хорооны хуралдаанаар Төрөөс төмөр замын тээврийн  талаар баримтлах бодлогын хэрэгжилтийг хангах зарим арга хэмжээний тухай асуудлыг  хэлэлцэхээр байлаа. Гэвч энэ асуудлын хэлэлцүүлэг хойшилсон юм. Учир нь ажлын хэсэг дээр зарим асуудал нэгтгэгдээгүй аж. Тиймээс долоо хоногийн хугацаатайгаар хэлэлцүүлгийг хойшлуулж байгаа юм байна. Үүнд УИХ дахь МАН-ын бүлгийн дарга С.Бямбацогт:

бө

-УИХ-ын дарга З.Энхболд ирэх долоо хоногт БНХАУ-д айлчилна. БНХАУ-ын дарга Си Зиньпинийг  манай улсад төрийн  айлчлал хийхэд, ОХУ-ын Ерөнхийлөгч В.Путин ажлын айлчлал хийхэд энэ асуудал хөндөгдөж, хоёр хөрштэйгээ төмөр замын асуудлаа шийднэ гэж байсан. Гэтэл одоо хүртэл чуулганы хуралдаанаар шийдвэрлэлгүй хойшлуулж байгаа нь ямар учиртай вэ? гэдгийг тодруулж байлаа. Зам, тээврийн яам өөрчлөгдсөнтэй холбогдуулан ХАХНХ-ын сайд С.Эрдэнэ салбарыг түр орлон байгаа аж. Харин С.Эрдэнэ сайд холбогдох яамны сайд нь томилогдохоор хэлэлцүүлгийг үргэлжлүүлэх санал гаргасан байна. Түүнчлэн уг асуудлыг хариуцах газар, хэлтсийн дарга нь ч томилогдоогүй байгаа ажээ.

бө

Ийнхүү  Төрөөс төмөр замын тээврийн  талаар баримтлах бодлогын хэрэгжилтийг хангах зарим арга хэмжээний тухай асуудлыг хэлэлцэхийг  хойшлуулсан юм.

бө

Н.Энх