Чингис бондоос  хоёр  тэрбум төгрөгийн зээл авч, Итали, Герман технологиор өдөрт 800 хос гутал үйлдвэрлэж, дотоодын хэрэгцээний 30 хувийг хангах хүчин чадалтай “Best Shoes” үйлдвэрийн шинэ байрны нээлт өчигдөр боллоо. Үйлдвэрийн нээлтэд Ерөнхий сайд Н.Алтанхуяг оролцож хийж бүтээж байгаа хүмүүсээ Шинэчлэлийн Засгийн газар цаашид ч дэмжиж ажиллана гэдгээ илэрхийлсэн юм.

1

Экспортыг нэмэгдүүлж, импорт орлох үйлдвэрийн төсөлд шалгаран "Чингис" бондын хөрөнгөөс 2 тэрбум төгрөгийн санхүүжилт авсан тус гутлын үйлдвэр 2011 онд 4 хүний бүрэлдэхүүнтэй "Best shoes" компанийг байгуулж байсан аж. Тус үйлдвэрийн хамт олон өмнө нь сард 60-70 хос гутал үйлдвэрлэж байсан бол шинэ үйлдвэр ашиглалтад орсноор өдөрт 500-800 хос гутал хийх хүчин чадалтай болох гэнэ. 70 гаруй ажилтантай тус үйлдвэр Итали, Германы хамгийн сүүлийн үеийн тоног төхөөрөмжөөр тоноглогджээ.

a

"Хамгийн сайн чанарын гутлыг монголчууд дотооддоо үйлдвэрлэж чаддаг боллоо. Одоо бие биенээ дэмжих нь чухал. Хууль зүй, батлан хамгаалах салбарынхан ажлын гутлаа гадаадаас биш эднийхээс авдаг болох хэрэгтэй" гэж Ерөнхий сайд Н.Алтанхуяг үйлдвэрийн нээлтэд оролцохдоо онцолсон юм. "Best shoes" компани гутлаас гадна цүнх, арьсан жижиг эдлэлийг Итали, Герман, Энэтхэг улсын лицензээр БНХАУ-д боловсруулсан зориулалтын үхэр, тугалын арьсаар хийдэг байна.Тус компани өнөөгийн Монгол улсын зах зээл дээр гоёлын болон өдөр тутмын гутал чанарын өндөр түвшинд үйлдвэрлэж байгаа дотоодын цөөхөн компанийн нэг бөгөөд хэрэглэгчдийн хүсэлтээр гутлын засварын үйлчилгээ хийдэг ажээ.

s

"Best shoes" ХХК-ийн захирал Д.Түвдэнням: Манай гутал монгол хүний хөлийн анатомид тохирсон

ы

-Юуны өмнө шинэ үйлдвэрээ нээж байгаа сэтгэгдлээсээ хуваалцаач?

-Шинэ үйлдвэрийн маань нээлтийн ажиллагаа сайхан боллоо. Ерөнхий сайд болон яам, тамгын газрын дарга нар хүрэлцэн ирсэнд их баяртай байна. Үйлдвэр маань нээгдэж байгаа ч гэсэн цаашид хүчин чадлаа сайжруулаад илүү ихийг хийж бүтээхэд дэмжлэг хэрэгтэй. Ялангуяа цэрэг, цагдаа буюу хүчний байгууллагуудын гутлыг гаднаас авч байна. Үүнийг дотооддоо үйлдвэрлэх хүчин бодолтой. Арьс ширээ дотооддоо боловсруулаад эцсийн бүтээгдэхүүн хийх бүрэн боломж байгаа.

й

-Үйлдвэрийн тоног төхөөрөмжийн хувьд танилцуулахгүй юу?

-Манай үйлдвэрийн тоног төхөөрөмжүүд бол Итали, Герман, Чех улсад үйлдвэрлэсэн бүтээгдэхүүнүүд байгаа.

й

-Хоногт хичнээн хос гутал үйлдвэрлэх хүчин чадалтай вэ?

-Өдөрт 500-800 хос гутал үйлдвэрлэх хүчин чадалтай.

й

-Үйлдвэр хичнээн төгрөгийн хөрөнгөөр боссон бэ?

-Үндсэндээ гурван тэрбум төгрөгөөр үйлдвэр маань бослоо. Чингис бондоос хоёр тэрбум төгрөгийн санхүүжилт авсан.

й

-Импортоор орж ирж байгаа гутлаас давуу тал нь юу вэ?

-Манай гутал монгол хүний хөлийн анатомид тохирсон, эрүүл ахуйн шаардлага хангасан гэдгийг хэлмээр байна. Хоёрдугаарт манай гутал арьс, ширэн материалаар хийгддэг. Хүний хөлнөөс хэмжээ авч хийдэг. Хятад гутал авах мөнгөөрөө дотооддоо үйлдвэрлэсэн чанартай гутлыг л өмсөх боломжтой.

я

-Гутлын үнийн хувьд хэдэн төгрөгөөр борлуулагдаж байгаа вэ?

-Үнийн хувьд гэвэл хийсэн материалаас их шалтгаална. Тухайн хүн ямар материалаар, ямар загвар дизайнтай гутал хийлгэмээр байна тэр бүгдийг бодолцож үзнэ. Гэхдээ брэнд гэгдээд байгаа гутлуудаас 50 хувь хямд байна.

я

Нээлтийн ажиллагаанд оролцсон зочид төлөөлөгчид гутлын үйлдвэрийн үйл ажиллагаа болон гутал үйлдвэрлэх дамжлагатай танилцаж, мөн үйлдвэрлэсэн бараа бүтээгдэхүүнийг сонирхсон юм.

й

ы

П.Нарандэлгэр