Өнөөдөр Төрийн байгуулалтын байнгын хорооны хуралдаанаар Монгол Улсын Ерөнхий сайдыг огцруулах асуудлаар нэр бүхий 28 гишүүний гарын үсэг зурсан төслийг хэлэлцэнэ. Энэ асуудалд УИХ дахь “Шударга ёс”, АН-ын бүлэг тус тус тав хоногийн завсарлага авч,  хойшлуулаад байсан юм.

өа

УИХ дахь АН-ын бүлэг өнгөрсөн  долоо хоногт  хаалттай хуралдсан. Хаалттай хуралдаанаар улс төрийн гол сэдэв болоод байгаа Ерөнхий сайдыг огцруулах асуудал болон Засгийн газрын зарим сайд нарыг томилох тухай асуудлыг хэлэлцсэн байна. Засгийн газрын зарим сайд нарыг томилох гэхээсээ илүү Н.Алтанхуягийг огцруулах эсэх асуудлаар бүлгийн гишүүд хэлэлцжээ. Бүлгийн гишүүдийн дийлэнх нь Ерөнхий сайдаар Н.Алтанхуягийг цааш үргэлжлүүлэн ажиллуулж, Засгийн газрыг тогтвортой  байлгах нь улс төр хийгээд нийгэм, эдийн засгийн хувьд ч ач холбогдолтолй гэж үзсэн байна.

өа

Өчигдөр үдээс хойш   зарлагдсан АН-ын бүлгийн хуралдаанаар  өмнөх байр сууриа баталгаажуулн     Ерөнхий сайд Н.Алтанхуягийг огцруулахгүй гэдэг шийдвэрт гарын үсэг зурах саналыг бүлгийн гишүүдээс гаргажээ.  Гишүүд УИХ дахь  МАН-ын бүлгийн тавьсан үндэслэлээр Засгийн газрын унагах саналыг дэмжихгүй гэдгээ илэрхийлж, гарын үсэг зурж баталгаажуулжээ. Гэхдээ АН-ын бүлгийн зарим гишүүд энэ асуудалд эсрэг байр суурьтай байжээ.

өа

Төрийн байгуулалтын байнгын хорооны хуралдаанаар уг асуудлыг хэлэлцэх бөгөөд Монгол Улсын Ерөнхий сайдыг огцруулахгүй гэсэн саналд  гарын үсгээ зураагүй гишүүдийн нэрс ч тодрох бололтой.

өа

Н.Энх