УИХ-ын нэгдсэн чуулганаар Монгол Улсын Ерөнхий сайд Н.Алтанхуягийг огцруулах асуудлыг  хэлэлцэж байна. Энэ үеэр УИХ-ын гишүүн М.Зоригт “Дэнзэнгийн хадам аавыг дэмжихгүй” гэсэн уриатай хуралдаанд сууж байгаа юм. Түүнээс энэ талаар тодрууллаа.

а

-Ерөнхий  сайдыг огцруулах асуудлыг Төрийн байгуулалтын байнгын хороон дээр хэлэлцээд “Огцрох нь зөв” гээд гишүүд дэмжчихлээ. Ихэнх гишүүдийн хэлж байгаагаар хамаатан садных нь хийсэн үйлдэлтэй холбоод хувийн хэрэгт нь халдаад байна гэж ярьж байна. Гэтэл та уриа лоозон бариад сууж байна. Энэ талаараа тодруулаач?

-Дэнзэн бол үзэгдэл л дээ. Ганцхан Дэнзэн гэдэг залуугаас болоод огцруулна гэж юу байхав. Дэнзэнгүүд бий болох орчин нөхцлыг бүрдүүлсэн Ерөнхий сайд намын дарга байж болохгүй гэсэн миний байр суурь. Ганц Дэнзэн биш, Гансүх л  гэнэ, туслах нь л гэнэ. Одоо цаана нь юу ч байгаа юм билээ. Ер нь монголын төр зөвхөн нэг хоёр хүнээс хамаардаг болчихсон байн. Их хурал нь их хуралд шиг байж чадахаа байчихсан. Бүлэг дээр юм ярихаа байчихсан, хэдхэн хүнийхээ  саналыг дэмжинэ үү гэхээс бусад хүн нь ямар ч үүрэггүй болчихсон байна. Энэ болохгүй тогтолцоог эсэргүүцэж байгаа шүү дээ.

ах

-Ардчилсан нам  өнгөрөсөн хугацаанд нилээн хуралдлаа. Бүлэг дээрээ хэлэлцээд Ерөнхий сайдаа  дэмжих нь зөв гэж саналаа нэгтгэсэн гэж байсан. Та бүлгийн хуралдаанд сууж, санал нэгдсэн юм уу?

-Арваад хоногийн өмнө бүлэг хуралдсан. Ер нь бол Алтанхуягийг дэмжихгүй гэсэн гишүүд бүлгийн хуралдаанд суухгүй байгаа. Хуралд оролцсон 14 гишүүн Алтанхуягийг авч үлдэхээр шийдсэн юм билээ. Өнөөдөр УИХ дахь АН –ын бүлэг 35 гишүүнтэй. Үүнээс 14 гишүүн л Н.Алтанхуягийг авч үлдэе гэж шийдсэн юм билээ. Гэтэл өнөөдөр бүлгийн дарга Д.Эрдэнэбат гишүүн АН-ын бүлгийн албан ёсны шийдвэр гэж мэдээлж байна. Өчигдөр л гэхэд 2-3 удаа хуралдах гээд ирц хүрээгүй учраас хуралдаагүй шүү дээ. Хаанаас, хэзээнээс ийм шийдвэр гаргаж ирээд уншаад байгааг ойлгохгүй байна. АН-ын бүлгийн албан ёсны шийдвэр Н.Алтанхуягтай  холбогдуулж гараагүй байгаа.

х

-Таны тогтоолын төсөлд гарын үсэг зурсан гишүүдийн шийдвэр одоо ч хэвээрээ байгаа юу ?

-Зарим гишүүд МАН-ын бүлгийн үндэслэлийг дэмжихгүй, харин таны үндэслэлийг дэмжиж байна гэдгээ мэдэгдсэн. АН-ын дарга Н.Алтанхуяг дур зоргоороо аашилж МАХН-ын дарга Н.Энхбаяртай хамтран ажиллах гэрээнд гарын үсэг зурсан асуудлаас улбаатай Нийслэлийн АН-ын дарга Э.Бат-Үүл даргаас уриалга ирсэн. Тэр уриалгын үзэл санааг дэмжсэн учраас өөрийн УИХ-ын гишүүний эрхийг эдэлж, өөрийн баланк дээрээ Ерөнхий сайдыг огцруулах тухай хуулийн төсөл бичиж намын гишүүдээрээ гарын үсэг зуруулсан. 10 гаран хүн болчихоод байгаа. Өргөн барихын тулд 19 болох ёстой. 19 арай хүрээгүй байна. Тэр тоонд хүрчих юм бол өргөн барих болно.

х

-Тэгэхээр тэр тогтоолын төслийг өргөн барьж байж огцруулах асуудлыг дэмжих юм уу?

-Ер нь бол өнөөдөр МАН-ын болон АН-ын дүгнэлтийг сонслоо. Ард түмний дунд МАН   дангаараа Ерөнхий сайдыг өргөн барьж байгаа мэт харагдаж байгаа. Энэ бол  үгүй. УИХ-ын хэсэг гишүүд бүрэн эрхийнхээ хүрээнд тавьсан асуудал. Аль нэг намын үзэл бодол гэхээсээ илүүтэй УИХ-ын гишүүд улс эх орныхоо хувь заяанд санаа зовниж байгаа асуудал гэж хармаар байна. Тэр дотор миний гарын үсэг байгаа юу гэвэл байхгүй. Ер нь Ардчилсан нам олонхийг бүрдүүлж байгаа нам. Энэ хүнийг томилж чадсан юм чинь эргүүлээд хариуцлага тооцож чаддаг байх ёстой гэсэн хатуу байр суурьтай байна. Гэхдээ энэ асуудлыг өнөөдөр хэлэлцээд Н.Алтанхуяг Ерөнхий сайд хэвээрээ үлдчих юм бол бүхэл бүтэн 6 сар энэ хүний асуудлыг хөндөхгүй болно. Зургаан сарыг алдах болно. Өчигдөр АТГ болон УИХ-аас томилогдон ажилласан ажлын хэсгийн танилцуулгыг харсан. Эрдэнэс таван толгойг шалгасан байна, гишүүдийн төлөөлөл ажлын хэсгээр ажилласан байна. Тэрнээс харахад арай ч дээ гэмээр юм их байна. Нөгөө Хөгжлийн банкны 200 сая ам долларыг Таван толгой руу шилжүүлж аваад тэрнээсээ эх захгүй худалдан авалт хийж, нөгөө “Говь повер” гэдэг компани руугаа шилжүүлж худалдаа хийсэн байна. Арай л дэндэж байгаа байхгүй юу. Ийм хүнийг, ийм хүрээллийг нэг минут ч гэсэн үлдээж болохгүй гэсэн хатуу байр суурьтай байна. Тэр Дэнзэнгийн хадам аавыг дэмжихгүй гэдэг асуудлыг Дэнзэн эсвэл хадам аав нь гэж битгийн хараач ээ. Энэ бол энэ нийгэмд бий болчихоод байгаа үзэгдлийн эсрэг хэлж байгаа үг юм шүү.

ха

-Н.Алтанхуяг сайдыг огцууулахгүй хэмээн АН-ын гишүүд дэмжсэн, гарын үзэг зурсан үүнийгээ баталгаажуулсан гэж яриад байна. Тэгэхдээ 15 гишүүнээс яг тэр гарын үсэг зурахад орсон хүн байгаа болов уу?

-Н.Алтанхуягийг огцруулахгүй гэж гарын үсэг зуруулж байгаа нөхдүүд намайг тойроод гүйдэг байх. Тийм болохоор сайн мэдэхгүй байна.

х

-Сая Д.Эрдэнэбат даргын танилцуулсан дүгнэлт албан ёсны биш гэж ойлгож болох уу?

-Энэ дүгнэлтийг өнөөдөр анх удаа сонслоо. Бүлгийн албан ёсны шийдэр гараагүй гэдгийг дахин хэлье.

х