УИХ-ын чуулганы нэгдсэн хуралдаан хуралдаж байна. Хуралдаанаар ирэх оны Мөнгөний бодлогыг хэлэлцэж байгаа юм. Хэлэлцэж байгаа асуудалтай холбогдуулан гишүүд сонирхсон асуултдаа хариулт авч байна.

р

УИХ-ын гишүүн Ц.Нямдорж:

-Банк бус санхүүгийн байгууллагад байгаа хадгаламжийг даатгалд хамруулах уу? Учир нь ХЗХ-дын хадгаламжийг даатгуулъя гэж байна. Монгол банкнаас өнөөдрийг хүртэл хэрэгжүүлж ирсэн бодлого цаашаа явахгүй. Удирдлага нь хоёр жил юу хийхээ мэдэхгүй хоёр жил явж ирлээ. Монгол банкны Ерөнхийлөгч чинь барааны үнэ яриад байдаг юм. Монгол банкны Ерөнхийлөгч Золжаргалын ах Жаргалсайхан банк дампууруулж байсан юм. Одоо дүү нь гарч ирж самарах нь. Ах, дүү хоёроор Монголбанкийг самруулж  байна. Яагаад ийм хүнийг өмгөөлөөд хамгаалаад байдаг юм бэ? С.Дэмбэрэл гишүүн ээ. УИХ-ын гишүүн бөгөөд ҮХАҮТ-ийн даргын хувьд таньд хэлье. Хоёр жилийн өмнө Засаг байгуулагдаж байхад бөөр рүү чинь хутгална гэж хэлж байсан.

а

УИХ-ын гишүүн С.Дэмбэрэл:

-Банк бус санхүүгийн байгууллагууд хадгаламж авдаггүй. Төгрөгийн тогтвортой байдлыг олон улсын хэмжээнд “түүний гадаад, дотоод үнэ цэнэ гэсэн ойлголт байдаг. Төв банк нь төгрөгийн тогтвортой байдлыг хангана гэсэн байгаа. Төгрөгийн тогтвортой байдал гэдэг нь үнийн тогтвортой байдалтай холбогддог. Мөнгөний бодлогын төслийг хийхийн тулд 140 гаруй хуудас бүхий материал өгсөн. Дашрамд хэлэхэд, МАН-аас оролцсон гишүүд маш идэвхтэй, бүтээлчээр оролцсон. Валютын ханшны савлагаанаас болж хохирсон бизнес эрхлэгчид их байгаа. Валютын ханшийг уян хатан тогтно гэсэн заалт орсон. Инфляцийг хэдэн хувьд барих нь мөнгөний бодлогоор шийдэгддэг эд биш.

а

УИХ-ын гишүүн Д.Чойжилсүрэн

“УИХ-аас гаргасан шийдвэр  хэрэгждэг, хариуцлагатай баймаар байна. Монгол банк, Сангийн яамны хамтарсан ажлын хэсэг байгуулаад хэлэлцүүлмээр байна. Энэ удаагийн хэлэлцүүлгийг буцаавал ямар вэ?” гэсэн юм.  Ирэх оны мөнгөний бодлогын төслийн ажлын хэсгийн ахлагч С.Дэмбэрэл “Төсвийн бодлого ямар байж дараа жил инфляцийг нэг оронтой тоонд багтаах вэ гэдгийг ажлын хэсэг дээр гаргаж байсан. Олон улсын практикаас үзэхэд парламент нь тодорхой тоо баталж өгдөггүй гэдэг тайлбах өгсөн. Төсөв, мөнгөний бодлого сарын өмнө яригдсан.  Ямартай  ч Эдийн засгийн байнгын хорооны зөвлөлд өөрийн саналаа явуулсан. Төсвийг батлахдаа урсгал зардлыг дээд зэргээр хэмнэж батлах нь чухал” хэмээн тайлбарласан юм.

х

Гишүүд асуулт асууж дууссаны дараагаар байнгын хорооноос гаргасан зарчмын зөрүүтэй саналаар санал хураалт явуулав.

х

Чуулганы хуралдаан үргэлжилж байна.

х

Н.Энх