Нийслэлийн Баянгол дүүргийн хоёрдугаар хороонд байрлах "Хос гарьд" хиамын цехийн байранд 10 дугаар сарын 31-нээс 11 дүгээр сарын 1-нд шилжих шөнө хулгай орж 180 гаруй сая төгрөгийг хулгайлсан хэргийг цагдаагийн алба хаагчид илрүүлжээ.

а

Гэмт этгээд хулгайлсан мөнгөө Төв аймгийн Батсүмбэр суманд аваачиж, 40 литрийн бидонд хийн, газарт булсан байсныг  Улаанбаатар хотын цагдаагийн газрын Гэмт хэрэгтэй тэмцэх газрын алба хаагчид болон Баянгол дүүргийн цагдаагийн хоёрдугаар хэлтсийн алба хаагчид илрүүлэн шалгаж байгаа тухай ЦЕГ-ын Хэвлэл мэдээллийн төвийн дарга, хурандаа Б.Баатархүү мэдээлэв.

а

Хулгайн хэрэг үйлдэгдсэн хиамын цехийн байранд шалгалт хийхэд тухайн байгууллагын харуул хамгаалалт хангалтгүй, хаалга цүү болон их хэмжээний мөнгө хадгалж байсан сейф хүндрүүлэгч байхгүй, бэхэлгээ муутай байжээ.

а

Б.Буд