УИХ-ын чуулганаар Ерөнхий сайдыг огцруулах асуудлыг хэлэлцэх үеэр эсрэг санал өгсөн хэмээн М.Зоригт гишүүнийг АН-аас хасах ёстой хэмээн тус намын Хяналтын зөвлөлөөс гаргасан. Энэ талаар УИХ-ын гишүүн М.Зоригтоос тодрууллаа.

1

-АН-ын хяналтын зөвлөл хуралдаад нэр бүхий найман гишүүнийг намаасаа хасах шийдвэр гарсан байна. Хөөгдөх гишүүдийн дотор таны нэр явж байна. Юу гэж бодож байна?

-Өнөөдөр та нар ч тэр, өөр маш олон хүн хариуцлагагүй Ерөнхий сайдтай хариуцлага тооцож байгаа юм шиг ойлгоод байна л даа. Ер нь бол АН-д олон жил бугшсан идээ бээрийг арилгахын тулд л бид тэмцэж байна. ҮЗХ жилд хоёроос доошгүй удаа хуралдах ёстой байдаг. Жил бүр дүрмээ нэгээс доошгүй удаа шинэчлэх шаардлагатай байдаг. Гэтэл ҮЗХ-ийн шинэчлэлийг дөрвөн жил хийсэнгүй. Сонгуулиас хойш нэг ч удаа хуралдсангүй. Н.Алтанхуягийг өөрөөр боддог бүх хүнд хаалга үүдээ хаасан. АН-ыг агааргүй давчуу болгож орхисон, энэнтэй л тэмцэж байгаа шүү дээ. Өнөөдөр ҮЗХ-д яах аргагүй Н.Алтанхуягийн олон жил авдартаа дарж суусан бүтэц бүрэлдэхүүн байгаа нь үнэн. Гэхдээ тухайн гишүүдийг түүнд бүрмөсөн автчихаагүй байгаа гэдэгт итгэж байна. Тийм болохоор энэ намынхаа шинэчлэл өөрчлөлтийн төлөө удирдлагыг эсэргүүцсэн хэсэг нөхдөө хөөх үү,  идээ бээр болсон Н.Алтанхуяг аа хөөх үү гэдэг сонголтын өмнө ҮЗХ-ны  гишүүд зогсч байна.

1

-Хөөгдөх дээрээ тулах юм бол жагсаалтаар орж ирсэн гишүүдийг бодвол таны хувьд нэгэнт ард иргэд итгэл үзүүлээд тойргоос сонгогдсон гээд маш олон хэлэх үгтэй байх л даа. Ялгаа байгаа юу?

-Тойргоос сонгогдсон биднийг Н.Алтанхуяг яаж ч хичээгээд гишүүнээс буулгаж чадахгүй. Намын жагсаалтаар гарч ирсэн зарим гишүүнийг болно гэж бодоод байх шиг байна. Үгүй ш дээ. Хэдийгээр намын жагсаалтаар гарч ирсэн ч гэсэн тэд нар тангараг өргөхдөө Н.Алтанхуягийн төлөө тангараг өргөөгүй. Улс эх орныхоо эрх ашгийн төлөө тангараг өргөсөн хүмүүс.

1

-ҮЗХ нийт 228 гишүүнтэй, үүний талаас илүү нь өндөр албан тушаалд оччихсон гэх мэдээлэл яригдаад байгаа. Энэ хэр бодитой мэдээлэл вэ. Өнөөдөр ирц хангалттай бүрдэж чадах болов уу?

-Ер нь Н.Алтанхуяг сүүлийн дөрвөн жил Гүйцэтгэх зөвлөл, ҮЗХ-г өөрийн болгож авахын төлөө хийх ёстой бүх юмыг л хийсэн байгаа. Өндөр албан тушаал хуваарилсан байна уу, бизнесийг нь дэмжсэн байна уу, тендер өгсөн байна уу, мэдэхгүй. Ямар ч байсан тэнд нэг их таатай юм байхгүй л болов уу.

1

-Алтан гадас фракц дйилэнх нь байгаа гэсэн үг үү?

-Тэгж хэлж болно.

1

П.Наран