Цагдаагийн байгууллагын шинэчлэлийн хүрээнд цагдаагийн байгууллагын үйл ажиллагааг иргэдэд ойртуулж, шуурхай хүргэх зорилгоор ЦЕГ-ын Линцензийн төв байгуулагдаж, өнгөрөгч есдүгээр сарын 1-ний өдрөөс өөрийн байранд үйл ажиллагаа явуулж эхэлсэн. Цагдаагийн байгууллагаас иргэдэд олгодог байсан бүх зөвшөөрлийг эндээс өгдөг болсон. Тус төвийн үйл ажиллагааны талаар ЦЕГ-ын Лицензийн төвийн дэд дарга, цагдаагийн дэд хурандаа П.Эрдэнэбатаас тодрууллаа.

б

-Иргэдэд албан ёсоор үйл ажиллагаагаа хүргээд хоёр сар гаруй хугацаа өнгөрлөө. Лицензийн төвийн үйл ажиллагаа хэрхэн явагдаж байна.

-Олон нийт цагдаагийн хамтын ажиллагааны төвд нүүж ороод хоёр сар гаруй хугацаа өнгөрч байна. Цагдаагийн байгууллагаас иргэдийн хүсдэг бүх зөвшөөрөл манай дээр төвлөрч олгогдож байгаа. Мөн Хууль зүйн сайдын шинэчилсэн журмын дагуу жолооны мэргэжлийн шалгалтыг авч байна. Аль болох иргэдэд шуурхай үйлчлэхээр ажиллаж байна. Ер нь иргэд, үйлчлүүлэгчид ч ам сайтай байна.

ө

-Өдөрт хэдэн иргэнд үйлчилж байна вэ. Иргэд тасалбар аваад үйлчлүүлдэг аж.

-Бид иргэдийн ая тухтай үйлчлүүлэх боломжийг хангахын тулд дарааллын төхөөрөмж суурилуулсан. Шинэ байранд нүүж ирсэн эхний өдөр буюу есдүгээр сарын нэгэнд нээлттэй хаалганы өдрөөр 1000 гаруй хүн үйлчлүүлсэн. Харин одоо өдөрт дунджаар 400-450 хүнд үйлчилж байна.

ө

-Энд байгаа иргэдийн олонх нь жолооны үнэмлэхтэй холбоотой асуудлаар яваа гэж байна. Ер нь ямар асуудлаар ханддаг юм бол.    

-Тийм шүү. Иргэдийн олонх нь жолооны үнэмэлхтэй холбоотой асуудлаар ханддаг. Хаяж үрэгдүүлсэн үнэмлэх нөхөж авах, үнэмлэхээ солиулахаар, эрхээ сэргээлгэх шалгалт өгөхөөр хандаж байна. Өмнө нь долоо хоногийн мягмар, пүрэв гаригт жолооны эрх сэргээх шалгалтыг авдаг байсан. Харин энд ирээд нэг танхим шинээр нээсэн. Тэндээ согтуугаар тээврийн хэрэгсэл жолоодож яваад эрхээ хасуулсан жолооч нарт архидан согтуурахтай тэмцэх чиглэлээр сургалт явуулаад дараа нь 14:00 цагт жолооны эрх сэргээлгэх хүмүүсээс шалгалт авч байгаа. Шалгалтыг өдөр бүр /ажлын таван өдөр/ авна.

б

-Улсын хилээр галт зэвсэг оруулж, гаргах зөвшөөрлийг танайхаас өгч байгаа биз дээ.

-Манайхаас галт зэвсэг улсын хилээр оруулах, гаргах болон орон нутгийн иргэд галт зэвсэг худалдан авсан тохиолдолд авах зөвшөөрлийг өгч байгаа. Галт зэвсгийн тухай хуульд зааснаар Монгол Улсын иргэн нэг удаа улсын хилээр гал зэвсэг оруулах эрхтэй байдаг. Энэ эрхийнхээ дагуу иргэд маань хандаж байгаа. Нөгөөтэйгүүр гадаад улсад уралдаан тэмцээнд оролцох зорилготойгоор манай тамирчид галт зэвсэгтэй явахдаа буугаа оруулж гаргах зөвшөөрлөө авч байгаа. Мөн Монгол Улсад үйл ажиллагаа явуулж байгаа хуулийн этгээдийн урилгаар ан агнах зөвшөөрөлтэй гадаад улсын иргэн хилээр нэвтрэх тохиолдолд галт зэвсгийг оруулах, гаргах зөвшөөрлийг манайхаас өгдөг.

ө

Түүнчлэн тусгай дуут дохио болон гэрэл дохио тавих зөвшөөрлийг манайхаас өгч байгаа. Аюултай ачаа буюу овор их хэмжээтэй ачаа тээвэрлэх үед тухайн тээврийн хэрэгслийн зөвшөөрлийг олгож байгаа. Эдгээр нь Хууль зүйн сайдын гаргасан журмаар зохицуулагддаг.

б

Б.Буд