Хөрөнгийн зах зээлд оролцогчдыг дэмжих, иргэд, аж ахуйн нэгж байгууллагад мөнгөн хөрөнгөө арвижуулах боломжийг олгох зорилготой Засгийн газрын үнэт цаасны захиалга эхэлсэн билээ. Анхны захиалга өнгөрсөн сарын 29-нөөс энэ сарын 4-ны өдрүүдэд явагдаж, арилжаа хийгджээ. 12 долоо хоног буюу 3 сарын хугацаатай Засгийн газрын жижиглэнгийн үнэт цаасны өгөөжийн хэмжээ нь 15.795 хувь байсан бөгөөд нийт 4.5 тэрбум төгрөгийн арилжаа хийгдсэн байна.

Нийт 100.0 тэрбум төгрөгийн үнийн дүнтэй Засгийн газрын үнэт цаасыг Монголын хөрөнгийн биржээр дамжуулан хөрөнгийн зах зээлд арилжаалж байгаа юм.

Дашрамд дурдахад нэг жилийн хугацаатай, 16.25%-ийн хүүтэй Засгийн газрын жижиглэнгийн үнэт цаасны анхдагч зах зээлийн арилжааны дараагийн захиалга энэ сарын 6-наас авч эхэлсэн бөгөөд өнөөдөр дуусгавар болох аж.