УИХ дахь АН-ын бүлгээс Засгийн газрыг байгуулахад парламентад суудалтай намуудтай зөвшилцөх ажлын хэсэг байгуулсан. Уг ажлын хэсгийг бүлгийн дарга Д.Эрдэнэбат ахалж байгаа юм. Тус ажлын хэсгийнхэн парламентад суудалтай намуудад Засгийн газарт хамтран ажиллах саналыг хүргүүлсэн байна. Засгийн газартай хэрхэн хамтарч ажиллах талаар  УИХ-д суудалтай нам, бүлгийн дарга нараас тодрууллаа.

а

“Шударга ёс” эвслийн бүлгийн дарга Н.Батцэрэг:

-Манайд хамтран ажиллах санал ирүүлсэн байсан. Бид АН-ын ҮЗХ-ноос Ерөнхий сайдад хэнийг нэр дэвшүүлэхийг хүлээж байна. Мөн Засгийн газар ямар бүтэцтэй ажиллах, улс орны нийгэм, эдийн засгийн чиглэлд ямар бодлого хэрэгжүүлэх талаар саналаа хүргүүлнэ.

ө

ИЗНН-ын дарга С.Оюун:

-Манай намд Засгийн газарт хамтран ажиллах санал ирсэн. Бид нам дотроо ярилцаж шийдэлд хүрсний дараа мэдээлэл өгье.

а

УИХ дахь МАН-ын бүлгийн дарга С.Бямбацогт:

-Засгийн газарт хамтран ажиллах санал манай бүлэгт ирээгүй.

х

Н.Энх