Өнгөрсөн есдүгээр сараас эхлэн нээлттэй сонгууль явуулахыг шаардаж, жагсаал зохион байгуулж буй Хонконгийн их сургуулийн оюутны төлөөлөл маргааш Бээжин хотноо очиж, тус улсын удирдлагуудтай уулзахаар болсон гэж “Ройтерс” агентлаг мэдээллээ. Хонконгийн оюутны холбооны тэргүүн Алекс Чоу, дэд тэргүүн Эсон Чун, Ардчилсан оюутан холбооны тэргүүн Натан Ло нар маргааш Бээжинд БНХАУ-ын Ерөнхий сайд Ли Кэцянтай уулзахаар төлөвлөж, аль хэдийнэ уулзах цаг авснаа мэдэгджээ.

Хятадын төрийн мэдлийн “Синьхуа” агентлаг “Ерөнхий сайд албан ёсоор Хонконгийн оюутны төлөөлөлтэй уулзах эсэхээ мэдэгдээгүй” гэж мэдээлсэн байна. Хонконгийн захирагч Лин Чун-Иен энэ долоо хоногийн эхээр БНХАУ-ын дарга Си Зиньпинтэй Бээжин хотноо биечлэн уулзсан билээ. Энэхүү уулзалтын дараа захирагч маргаашнаас эхэлж зам талбайд майхан босгож, суулт зарлаад буй оюутнуудын эсрэг хүч хэрэглэнэ гэдгээ мэдэгдсэн юм. Гэрчүүдийн мэдээлсэнээр “Си дарга захирагчид оюутнуудыг тараахыг тушаасан” гэжээ.

Б.Дэлгэрцэцэг