АН-ын ҮЗХ-ны хуралд урьдчилан тааварлаагүй нөхцөл байдал үүсээд байна. Энэ хурлаар Ерөнхий сайдыг томилох асуудлыг хэлэлцэж, шийдвэрлэх ёстой байв.

с

Монгол Улсын 27 дахь Ерөнхий сайд Н.Алтанхуягийн ажлыг үргэлжлүүлэх хүн эрх баригчдын дундаас тодрох учиртай. Энэ дагуу УИХ-ын гишүүн Р.Амаржаргал, Ч.Сайханбилэг, Д.Ганбат нарыг Ерөнхий сайдад нэр дэвшүүлсэн. Харин УИХ-ын гишүүн Д.Ганбат өөрийн нэрээ татсанаар Р.Амаржаргал, Ч.Сайханбилэг нарын дунд өрсөлдөөн өрнөх ёстой байлаа. Гэвч Ерөнхий сайдад нэр дэвшигчийг тодруулах АН-ын бүлгийн хуралдаанд Ч.Сайханбилэг ирээгүйгээс Р.Амаржаргал 100 хувийн дэмжлэг авсан. Ингэснээр түүнийг дараагийн Ерөнхий сайд болно гэсэн таамаг бараг батлагдаад байв. Гэвч АН-ын ҮЗХ-ны хурал бичигдсэн сценарийн дагуу явагдсангүй.

с

Намын дарга Н.Алтанхуяг албан тушаалаа өгөхөө мэдэгдсэн нь Ерөнхий сайдын томилгоонд ч асуудал үүсгэв. АН-ын дүрмий дагуу намын дарга Ерөнхий сайдад нэр дэвшигчийг санал болгох ёстой. Энэ дагуу Н.Алтанхуяг хамтран чиг заагч Ч.Сайханбилэгийн нэрийн Ерөнхий сайдад дэвшүүлэв. Харин Н.Алтанхуягийн оронд АН-ын даргын албыг хаших хүнээр УИХ-ын дарга З.Энхболд тодрох нь бараг тодорхой болов. Ингэснээр АН-ын бичигдээгүй дүрэм ёсоор фракц бүхэн хувь хүртэж, "Шонхор"-ынхон намын даргын суудлыг, "Алтангадас"-ынхан Ерөнхий сайдын авах магадлал өндөр байна. Товчхондоо "Шонхор", "Алтангадас" хоёр тохиролцоо хийж, харилцан ашигтай хамтран ажиллахаар болсон байхыг үгүйсгэх аргагүй болов. Харин МҮДН-ынхан ганцаардаж, Р.Амаржаргал нэр дэвшигчээрээ үлдэж болзошгүй нөхцөл байдал үүсээд байна.

ө

В.Бат