Боловсрол, шинжлэх ухааны яам "Боловсролын салбарын мэдээллийн нэгдсэн систем"-ийг ашиглаж эхэлжээ. Энэхүү системийн тусламжтайгаар эцэг эхчүүд хүүхдээ хаанаас ч хянах боломжтой аж. Ингэхийн тулд эцэг эхчүүд хүүхдийнхээ регистрийн дугаарыг оруулж, ямар хичээл дээр ямар дүн авсан, улирлынхаа шалгалтуудыг хэрхэн өгсөн, сургуульд ирсэн, явсан цаг, хичээлдээ суусан эсэх зэрэг бүх л мэдээллийг цаг алдалгүй авах боломжтой юм байна.  Мөн хүүхдийнхээ багшийн тухай мэдээллийг харах, багштай харилцах боломжтой юм. Энэ систем зөвхөн мэдээлэл өгөхөөс гадна дүн шинжилгээ хийнэ. Өөрөөр хэлбэл сурагчийн сурлагын түвшний өсөлтийг графикаар харуулах юм байна.